LEXO PA REKLAMA!

SHKARKO APP

Mësuesit në Korçë s’kanë marrë pagat/ Kreu i Sindikatës: Do t’i kalojnë brenda ditës së sotme

12 Korrik 2023, 12:19, Aktualitet CNA

Mësuesit në Korçë s’kanë marrë pagat/ Kreu

CNA ka denoncuar moskalimin e pagave të muajit të kaluar për mësuesit e Qarkut të Korçës.

Për këtë problem të denoncuar nga CNA, ka folur sot kryetari i Sindikatës Korçë, Leonard Trebicka.

Ai është shprehur se ky është një rast i paprecedentë sepse sipas tij nuk ka ndodhur më parë në Qarkun e Korçës dhe se ai nuk ka qenë i informuar mbi këtë ngërç pasi mësuesit kishin frikë të raportonin.

“Është diçka, që jo vetëm për mësues të Maliqit dhe Korçës ndodh. Ka edhe në rrethe të tjera. Nga kontaktet që kam bërë, në këto momente kam marrë ‘ok’ që brenda ditës së sotme do ta kenë në dorë, do ta kenë në bankë. Unë dje e mora vesh, ndërkohë janë 9 ditë me vonesë. Mësuesit kishin frikë ta ngrinin në media”, tha ai për mediat.

Sipas Trebickës, ngërçi është te Thesari dhe se është ai që po i vonon pagat.

“Mesa mora vesh kishte një ngërç me Thesarin. Më kanë marrë mësues që prej ditës së djeshme deri sot në telefon duke më thënë që të ngre zërin se kanë fëmijët pa bukë”, deklaroi kreu i Sindikatës./ CNA.al

Lajmet e fundit nga