web counter
LEXO PA REKLAMA!

SHKARKO APP

App Store
Google Play

E fundit!

x

“Përplasje” në Këshillin e Mandateve/ Ndërpritet përkohësisht mbledhja

11 Korrik 2023, 16:45, Aktualitet CNA

“Përplasje” në Këshillin e Mandateve/ Ndërpritet

Në mbledhjen e Këshillit të Mandateve për ish-zv.kryeministrin Arben Ahmetaj ka pasur “përplasje”.

Burime i thanë CNA-së se deputetët e opozitës Gazment Bardhi dhe Ervin Salianji kanë kërkuar që mbledhja të zhvillohet me dyer të hapura.

Nga ana tjetër, SPAK ka kërkuar që të mbahet me dyer të mbyllura për shkak të sekretit hetimor.

Edhe deputetja socialiste, Ermonela Felaj, ka mbështetur SPAK, duke i qëndruar idesë për një mbledhje me dyer të mbyllura.

Kjo ka sjellë replika të forta mes palëve dhe mbledhja është ndërprerë për 5 minuta.

Kujtojmë se në mbledhje janë prezentë avokatët e Ahmetajt, Henrik Ligori dhe Ardian Visha. Ndërsa për ish-zv.kryeministrin CNA kishte paralajmëruar më herët se nuk do të merrte pjesë, pasi rezulton të jetë jashtë territorit të Shqipërisë.

Henrik Ligori dhe Ardian Visha kanë kërkuar që mbledhja të shtyhet për nesër për shkak të dosjes voluminoze.

Këshilli i Manadateve do të vendosë nëse do t’i hiqet imuniteti i deputetit të Arben Ahmetajt, gjë që do t’i hapte rrugën arrestimit të këtij të fundit nga SPAK./ CNA.al





Lajmet e fundit nga