LEXO PA REKLAMA!

SHKARKO APP

Avokatët e Ahmetajt, kërkesë Këshillit të Mandateve: Të shtyhet mbledhja

11 Korrik 2023, 12:47, Aktualitet CNA

Avokatët e Ahmetajt, kërkesë Këshillit të Mandateve:

Sot pritet të mblidhet Këshilli i Mandateve në orën 16:00 për të shqyrtuar kërkesën e SPAK-ut që të hiqet imuniteti i ish-zv.kryeministrit dhe deputetit Arben Ahmetaj.

CNA kishte paralajmëruar se Arben Ahmetaj nuk do të jetë i pranishëm në Këshillin e Mandateve, pasi është larguar nga territori i Shqipërisë dhe në mbledhje do të përfaqësohet nga avokatët Henrik Ligori dhe Ardian Visha.

Por mësohet se dy avokatët kanë bërë kërkesë që mbledhja të shtyhet për nesër. Shkak i kësaj kërkese është dosja voluminoze e SPAK-ut prej 400 faqesh.

Ndërkohë, ende nuk ka një përgjigje nga Kuvendi nëse do të ketë ose jo shtyrje të mbledhjes së Këshillit të Mandateve.

Kujtojmë se SPAK i kërkon Kuvendit të hapë rrugën për arrestimin e ish-zv/kryeministrit Arben Ahmetaj, të cilin po e heton për lidhje me inceneratorët.

Ish-zv.kryeministri akuzohet për tri akuza “mosdeklarim, deklarim të rremë dhe fshehje të pasurisë”, vetëm dhe në bashkëpunim, “Korrupsion pasiv të funksionarëve të lartë shtetërorë ose të zgjedhurve vendorë” në gjashtë raste, “Pastrimit të produkteve të veprës penale ose veprimtarisë kriminale”./ CNA.al

Lajmet e fundit nga