LEXO PA REKLAMA!

SHKARKO APP

Dy “shërbimet” e Bashës ndaj Ramës

10 Korrik 2023, 15:00, Aktualitet CNA

Dy “shërbimet” e Bashës ndaj Ramës

Ngjarja e Fushë-Krujës ku fisi Rraja me shkopinj në duar dhunuan brutalisht dy persona dhe emërimi i Taulant Ballës dhe shkarkimi i ministrit Bledi Çuçi, kanë bërë bujë të madhe kudo në media.

Këto dy momente, shkaktuan një sërë reagimesh nga ana e politikës apo analistë të ndryshëm që komentuan këtë vendim të Ramës, që erdhi pas bërjes publike të dhunës së ushtruar nga familjarë të deputetit socialist Rrahman Rraja.

I fundit që reagoi për ngjarjen në Fushë-Krujë ishte Lulzim Basha, i cili “kyçi” gojën për emërimin e Taulant Ballës si ministër i Brendshëm, duke i shërbyer kështu agjendës së kryeministrit Edi Rama.

Por çudia e radhës dhe shërbimi i radhës i tij ndaj kryeministrit Rama ishte reagimi i menjëhershëm i Bashës ditën e sotme, në lidhje me kërkesën e SPAK për arrestimin e Arben Ahmetajt.

Basha i cili shquhet për zgjimin e vonshëm, pas bërjes publik të lajmit reagoi menjëherë duke shkruar:

“Nuk ka rrugë tjetër për Shqipërinë dhe shqiptarët përveç asaj që dikton pastrimi i politikës nga të gjithë ata që kanë shpërdoruar besimin e qytetarëve, duke u shërbyer interesave korruptive dhe klienteliste”, thotë Basha.

Ky reagim është një “shërbim” ndaj Ramës, që me skemën e tij po përpiqet të zhvendosë vëmendjen e skandaleve që e prekin direkt, siç ishte ngjarja e dhunës nga fisi i deputetit socialist Rrahman Rraja./ CNA

Lajmet e fundit nga