LEXO PA REKLAMA!

SHKARKO APP

Ligji për ndryshimet në Akademinë e Shkencave/ Fuga: Po kthehemi më keq seç ishim, tërhiquni nga kjo nismë

10 Korrik 2023, 12:10, Aktualitet CNA

Ligji për ndryshimet në Akademinë e Shkencave/ Fuga: Po kthehemi

Akademiku Artan Fuga ka bërë të ditur qëndrimin e tij në lidhje me ndryshimet në ligjin e Akademisë së Shkencave.

Në komisionin e medias dhe edukimit, Fuga thekson se projektligji është një kthim pas dhe u ka bërë thirrje iniciatorëve të këtij projektligji të tërhiqen nga kjo nismë.

 “Ne po kthehemi më keq sesa ishim. Unë kam të drejtë të ngre zërin. Teksti i projekt-amendamenteve ka krijuar solidaritet serial të grupit. Përse amendamenti na kthen pas? Ah sa do të doja të rrinte zoti Koçi.

Ligji për Akademinë e Shkencave do të hynte në kundërthënie të brendshme. Kryetari i Akademisë nëse ka mbushur moshën 75 vjeç si kryetar ka disa detyrime sipas ligjit. Nëse amendamentet e propozuara hyjnë në fuqi do të kemi natyrë kontradiktore të ligjit. Mendoni se mund të ndërtojmë një status juridik ku i njëjti person juridik edhe të ketë detyrim edhe të mos ketë detyrimin? Shkelet barazia e akademikëve para ligjit. Me mbushjen e moshës 75 vjeç anëtarëve të akademisë u hiqen të drejtat dhe detyrimet me përjashtim të atij që është kryetar i ASH. I njëjti ligj krijon pabarazi mes Akademikëve. Kushtetuta nga ana tjetër thotë që të gjithë janë të barabartë para ligjit. Unë mendoj se amendamentet që ju keni propozuar bien në kundërshtim me ligjin. Nëse më lejohet një rekomandim në këto kushte kam një ftesë për deputetët iniciatorë që ta tërheqin këtë nismë duke riparë nëse ndryshimet që ata propozojnë, integrohen në ligj”, tha Fuga./ CNA

Lajmet e fundit nga