LEXO PA REKLAMA!

SHKARKO APP

Iu prish skafi në mes të detit/ Shpëtohen 13 turistë në Kepin e Rodonit, 6 prej tyre të mitur

11 Korrik 2023, 09:26, Aktualitet CNA

Iu prish skafi në mes të detit/ Shpëtohen 13 turistë në

Policia Kufitare ka shpëtuar 13 turistë në Kepin e Rodonit, të cilët kishin ngelur në det në hapur në mesnatë pasi skafi me të cilin lundronin pësoi defekt.

13 persona ishin të afërm me njëri-tjetrin, 6 prej të cilëve shtetas të mitur.

"Menjëherë pas marrjes së këtij njoftimi, shërbimet e Policisë Kufitare të SPK Shëngjin dhe roja bregdetare janë nisur me mjet lundrues, drejt vendit të sinjalizuar.

Si rezultat i operacionit të shpëtimit dhe evakuimit që zgjati deri në mesnatë, drejtuesi i mjetit lundrues skaf dhe 12 shtetasit në bord, 6 prej të cilëve shtetas të mitur (pushues nga Shqipëria, të afërm të njëri-tjetrit), u nxorrën në breg, në gjendje të mirë shëndetësore. Gjithashtu, mjeti lundrues skaf që kishte pësuar defektin, u rimorkua dhe u dërgua drejt portit të Durrësit", njofton policia. 

Policia e Durrësit fton qytetarët, turistët dhe pushuesit që të telefonojnë në numrin pa pagesë, 112, për çdo rast nevoje./CNA.AL

 

 

Lajmet e fundit nga