LEXO PA REKLAMA!

SHKARKO APP

Zbardhen komunikimet telefonike/ Arben Ahmetaj i drejtohet me nofkë Mirel Mërtirit

11 Korrik 2023, 12:19, Aktualitet CNA
Zbardhen komunikimet telefonike/ Arben Ahmetaj i drejtohet me nofkë Mirel
Ish-zv.kryeministri Arben Ahmetaj

Të tjera detaje janë zbardhur këtë të martë nga dosja që SPAK-u ka dorëzuar në Kuvend, për arrestimin e ish-zv.kryeministrit Arben Ahmetaj.

Gazetarja Klodiana Lala raporton se në dosje ka komunikme mes ish-zv.kryeministrit me “trurin” e inceneratorëve, Mirel Mërtiri, dhe me ish-kryetarin e Bashkisë së Fierit, Baftjar Zeqon.

Sipas saj, mes Ahmetajt dhe Mirel Mërtirit ka pasur komunikim të afërt, pasi në bisedat telefonike ata i drejtohen njëri-tjetrit me nofka.

Nga ana tjetër, Baftjar Zeqos, ish-zv.kryeministri i kërkon të ulen bashkë me “trurin” e inceneratorëve në kafe.

“Mes Ahmetajt dhe Mërtirit ka pasur komunikim të afërt për sa kohë ata i drejtohen njëri-tjetrit me nofka dhe ata flasin me detaje për gjithçka ndodh mes tyre. Në një moment Mërtiri e pyet Ahmetajn dhe i thotë që 'gjithë PS dhe udhëheqja e PS-së ka zbarkuar në Korçë'. Ahmetaj i përgjigjet 'Unë isha i ftuar, por ndodhem jashtë Shqipërisë në udhëtime'. Në kuadër të këtij akt-ekspertimi rezulton se Ahmetaj komunikon me ish-kryetarin e Bashkisë së Fierit, Baftjar Zeqo, të cilit i kërkon të komunikojnë dhe të ulen bashkë me Mërtirin në kafe dhe më pas vijojnë komunikimet mes Zotos, Mërtirit dhe ish-kryetarit të bashkisë”, thuhet në dosjen kundër Ahmetajt./ CNA.al

Lajmet e fundit nga