web counter
LEXO PA REKLAMA!

SHKARKO APP

App Store
Google Play

E fundit!

x

Shqipëria, drejt zgjedhjeve të parakohshme

14 Korrik 2023, 13:11, Aktualitet CNA

Shqipëria, drejt zgjedhjeve të parakohshme

Hapja e kapakut të pusetës nga SPAK-u në lidhje me çështjen e inceneratorëve, tashmë duket se po e detyron kryeministrin Edi Rama që të shkojë drejt një zgjidhjeje politike.

Me zëvendësin e tij në arrati, me një ish-ministër dhe një ish-sekretar në burg, me një ish-ministër tjetër nën akuzë, me kryetarë bashkish, etj, të cilët janë përfshirë në aferat e inceneratorëve, në aferat e matësve të ujit, të përdorur dhe keqpërdorur nga Mirel Mërtiri dhe Klodian Zoto, tani duket se do ta detyrojnë Edi Ramën të ketë një zgjidhje politike.

Në selinë e PS-së, që aty ka dalë Klodian Zoto dhe Mirel Mërtiri, mbështetës kryesorë të fushatave të socialistëve, por kjo ka pak rëndësi tashmë, çështja është më politike. SPAK-u ka marrë hapa konkretë, janë kryer arrestime, po kryhen veprime të mëtejshme dhe ajo që duhet për kryeministrin është që të distancohet nga gjithçka që ka ndodhur.

Ende nuk ka asnjë fakt dhe provë që tregon se zyrtarë të tjerë në detyrë, pra ministra aktualë të Ramës në pushtet, të jenë përfshirë tek afera e inceneratorëve, por veprimet vazhdojnë të kryhen, pagesat janë të vazhdueshme për inceneratorët, çka e ka detyruar qeverinë që të respektojë një kontratë, e cila është mjaft e fortë dhe asaj mund t’i lërë pasoja.

Shqipëria, drejt zgjedhjeve të parakohshme

Për aferën e inceneratorëve, për hetimet, për korrupsionin, por edhe pas zgjedhjeve që dhanë një rezultat spektakolar, Edi Rama duket se po bëhet gati të çojë vendin në zgjedhje të parakohshme.

Kjo është e lehtë për t’u realizuar nga ai, një votëbesim në Parlament, qeveria bie dhe Rama çon vendin drejt zgjedhjeve, duke gjetur një opozitë të copëtuar, të përçudnuar dhe kështu Rama ndahet nga historia e inceneratorëve, nga afera, pastron grupin parlamentar dhe është i lirë të ecë përpara duke marrë lehtësistht sërish pushtetin dhe duke shpëlarë të gjithë çka i vjen si goditje politike nga afera e inceneratorëve./ CNA.al





Lajmet e fundit nga