LEXO PA REKLAMA!

SHKARKO APP

Udhëtime me Mërtirin?/ Flet Gjiknuri: Nuk kam bredhur me të, s’është krim të njohësh njerëz

13 Korrik 2023, 12:19, Aktualitet CNA

Udhëtime me Mërtirin?/ Flet Gjiknuri: Nuk kam bredhur me të,

Sekretari i Përgjithshëm i PS-së, Damian Gjiknuri, ka folur ditën e sotme për akuzat e ngritura ndaj tij për udhëtime dhe lidhje me njerëzit e inceneratorëve.

Gjiknuri tha se udhëtimet e tij janë publike dhe akuzat e ngritura ndaj tij janë për të ngritur kauza politike.

Ai theksoi se nuk ka zhvilluar takime me “trurin” e inceneratorëve, Mirel Mërtirin.

“Unë qëndrimet e mia i kam bërë publike edhe në komisionin hetimor. Nuk ka ndodhur asnjë gjë e re që prej asaj kohe, përveçse rast pas rasti gjithkush do të përdorë përmendjen e emrit tim për të ngritur kauza politike.

Të gjitha ato udhëtime, ato dy, se vetëm dy kanë dalë në media të pretenduara, janë udhëtime zyrtare, ka dokumentacion përkatës në ministrinë e Infrastrukturës. Jam në dijeni që mbase edhe prokuroria i zotëron, edhe unë i zotëroj, por nuk kam pse të bëj debat publik të nxjerr letra. Por udhëtimet e mia si ministër janë të deklaruara, janë udhëtime zyrtare, as kam bredhur me njerëz për të cilët ju mund të pretendoni për udhëtime të caktuara. Për sa i përket rolit tim si ministër, nuk ka asnjë shkelje ligjore në asnjë procedurë”, theksoi Gjiknuri.

Gazetarët ngulmuan dhe e pyetën në veçanti për udhëtimet me Ahmetajn dhe Mërtirin në Vjenë dhe Rumani.

Sekretari i PS-së u përgjigj: “Me Ahmetajn kam bërë udhëtime se ka qenë ministër dhe koleg, dhe këto takime merrni informacion dhe e kuptoni. Kur të thirrem do jap shpjegime, në detyrën time kam zbatuar ligjin. Akuzat politike, s’është krim të njohësh njerëz”./ CNA.al

Lajmet e fundit nga