web counter
LEXO PA REKLAMA!

SHKARKO APP

App Store
Google Play

E fundit!

x

Konkursi dixhital i RCC-së/ Balkathon 4.0, është i hapur! Apliko tani!

13 Korrik 2023, 18:15, Aktualitet CNA

Konkursi dixhital i RCC-së/ Balkathon 4.0, është i hapur! Apliko

Për të katërtin vit radhazi, Këshilli i Bashkëpunimit Rajonal (RCC) po lançon konkursin online “trademark” të rajonit - për idetë dhe zgjidhjet më të mira digjitale nga Ballkani Perëndimor - Balkathon 4.0. Aplikimet janë të hapura deri më 13 shtator.

Këtë vit, ne kërkojmë ide të reja dhe unike në 3 kategori:

1. Turizmi i Qëndrueshëm (lëvizshmëria e qëndrueshme, moda e qëndrueshme dhe artet e performancës, etj.)

2. Ekonomia e Gjelbër (energjia e rinovueshme, ndërtesat e gjelbra, transporti i qëndrueshëm, menaxhimi i ujit, menaxhimi i mbetjeve ose menaxhimi i tokës)

3. Sipërmarrja (idetë e biznesit në Web3, idetë e biznesit të bazuara në Inteligjencën Artificiale, shërbimet e klientit, analiza parashikuese, futja e automatizuar e të dhënave, shërbimet elektronike dhe mjetet digjitale)

Ekipet e përzgjedhura në listën e ngushtë të Balkathon 4.0 do të kenë mundësinë të marrin një program mentorimi dy-ditor me ekspertë me përvojë, mundësinë për të zbatuar zgjidhjen e tyre në rajonin e Ballkanit Perëndimor dhe të fitojnë një nga gjashtë çmimet nga grupi i çmimeve prej 60,000 Euro. Ne do të shpërblejmë gjashtë ide fituese – dy në secilën prej kategorive, me 10.000 Euro.

Që nga fillimi i tij në vitin 2020, Balkathon ka rezultuar në krijimin e 15 produkteve origjinale “Made in Western Balkans”. Vitin e kaluar, RCC shpërbleu gjashtë nga ekonomitë e Ballkanit Perëndimor me një total prej 60,000 Euro për zgjidhjet e tyre më të mira inovative në katër kategori, tregti elektronike, bujqësi, ushqim-teknologji dhe zhvillim rural, energji të rinovueshme dhe të qëndrueshme, transport dhe logjistikë, dhe dy u shpërblyen në kategorinë: të ndryshme. Ekipet kanë përdorur mbështetjen financiare për të zhvilluar plotësisht zgjidhjet e tyre digjitale.

Fituesit e vitit të shkuar

Kush mund të aplikojë?

Balkathon 4.0 është i hapur për ekipe të përbëra nga pjesëmarrës që vijnë nga ekonomitë e Ballkanit Perëndimor. Ekipet inkurajohen të përfshijnë në mesin e anëtarëve të tyre individë të kualifikuar, kompani TIK, studentë, organizata joqeveritare, institucione arsimore, kompani fillestare, etj.

Kur?

Aplikacioni do të jetë i hapur duke filluar nga sot, 13 Korrik deri më 13 Shtator 2023. Fituesit do të shpallen në Ceremoninë Zyrtare të ndarjes së çmimeve në datë 3 Tetor 2023, ceremoni kjo që do të trasmetohet dhe live në rrjetet sociale të RCC-së.

Gjithçka ju doni të dini rreth Balkathon, mund ta gjeni në https://www.rcc.int/balkathon/

Ky projekt financohet nga Bashkimi Europian.

https://www.rcc.int/news/831/ rccs-trademark-digital- competition--balkathon-40--is- on-apply-now  





Lajmet e fundit nga