web counter
LEXO PA REKLAMA!

SHKARKO APP

App Store
Google Play

Sherri në Kosovë/ Tritan Kalo: Turp dhe vetëm Turp… Po i bëjnë qejfin hasmit

13 Korrik 2023, 17:37, Aktualitet CNA
Sherri në Kosovë/ Tritan Kalo: Turp dhe vetëm Turp… Po i
Mjeku i njohur, Tritan Kalo

Mjeku i njohur, Tritan Kalo ka reaguar nëpërmjet një statusi në rrjetet sociale, për përplasjen fizike në Parlamentin e kosovës, duke e cilësuar atë si një turp.

Kalo përmend përplasjet në veriun e Kosovës dhe anëtarët e UÇK-së që po gjykohen në Hagë dhe deklaron se ndërkohë që po ndodhin këto, deputetët në Kosovë po përplasen fizikisht.

Ai thekson se kështu, parlamentarët e Kosovës nuk po bëjnë gjë tjetër veçse po i bëjnë qejfin hasmit, duke iu referuar Serbisë.

“Turp dhe vetëm turp… Ne ndërkohë që shovenët serbë po bëjnë të pamundurën të gllabërojnë veriun e Kosovës, të ndihmuar jo pak nga sllavofilët e Brukselit e Moskës… Ne ndërkohë që drejtuesit e UÇK-së çlirimtare po gjykohen në Hagë, me aktakuza të rrejshme të përpiluara në Beograd nga genocidistët millosheviçianë serbë, të drejtuar tani nga ish-ministri i tij i propogandës Aleksandër Vuçiç, për faqen më të zezë të shqiptarisë politikanët në Prishtinë e në Tiranë, po shamatohen e po përleshen fizikisht për pak pusht-shtet… Tani kuptohet qartazi thënia e At Gjergj Fishtës se: “Shqiptarët janë ashtu sikundër i do hasmi”… Quo Vadis, Shqipëria ime e andej e këndej Drinit!!!”, nënvizon mjeku./ CNA.al





Lajmet e fundit nga