web counter
LEXO PA REKLAMA!

SHKARKO APP

App Store
Google Play

"Po bëja flokët dhe grimin kur më njoftuan"/ Katy Perry-t i anulohet koncerti në minutën e fundit, çfarë ndodhi

28 Qershor 2026, 08:35, Lifestyle CNA

"Po bëja flokët dhe grimin kur më njoftuan"/ Katy

Koncerti i Katy Perry në Belgjikë u anulua në minutën e fundit të shtunën mbrëma për shkak të kushteve të rrezikshme të motit, duke zhgënjyer mijëra fansa që prisnin performancën e saj në festivalin Werchter Boutique.

Autoritetet vendase urdhëruan anulimin e koncertit për arsye sigurie, për shkak të stuhive të forta të parashikuara në zonë. Në një reagim në rrjetet sociale, Perry theksoi se vendimi nuk ishte marrë prej saj.

“Fatkeqësisht, performanca ime nuk mund të zhvillohet për shkak të një urdhri të autoriteteve, si pasojë e motit të keq dhe shqetësimeve për sigurinë e publikut”, shkroi ajo.

Këngëtarja zbuloi se ndodhej tashmë në prapaskenë, duke u përgatitur për të dalë në skenë, kur u informua për anulimin.

“Isha duke bërë flokët dhe grimin kur mora lajmin. Nuk kisha asnjë mundësi zgjedhjeje. Jam po aq e zhgënjyer sa edhe ju. Siguria e 55 mijë spektatorëve është gjithmonë prioriteti ynë. Më vjen keq që nuk mund ta ndryshoj motin dhe që nuk mund të ishim së bashku sonte,” u shpreh Perry.

 
 
 
 
 
View this post on Instagram
 
 
 
 
 
 
 
 
 
 
 

A post shared by KATY PERRY (@katyperry)

Ajo shtoi se mezi priste të rikthehej në Belgjikë pas 17 vitesh dhe madje kishte planifikuar të vishte të njëjtën veshje që kishte përdorur në koncertin e saj të vitit 2009.

Organizatorët e festivalit sqaruan se vendimi u mor pas paralajmërimeve për stuhi të forta dhe me qëllim garantimin e largimit të sigurt të pjesëmarrësve. Ata njoftuan se festivali do të përfundonte menjëherë pas performancës së Pitbull, ndërsa aktivitetet e planifikuara për ditën pasuese do të zhvillohen sipas programit. /CNA





Lajmet e fundit nga