LEXO PA REKLAMA!

SHKARKO APP

SPAK, dhjetëra urdhër-arreste për dosjen Ahmetaj

15 Korrik 2023, 11:36, Aktualitet CNA

SPAK, dhjetëra urdhër-arreste për dosjen Ahmetaj

SPAK i është drejtuar gjykatës, duke kërkuar dhjetëra urdhër-arreste, për njerëzit e përfshirë në dosjen hetimore ndaj Arben Ahmetajt, dosja që u fillua si hetim për inceneratorët dhe shpërdorimin e detyrës, më pas është kaluar si një dosje ku është hetuar i gjithë historiku dhe aktiviteti politik dhe publik i Arben Ahmetajt.

Sipas pretendimit të bërë nga vetë Ahmetaj dhe avokatët e tij, SPAK ka hetuar çdo pronë, pasuri dhe aktivitet të 25 viteve të fundit.

Pas hetimeve të kryera, Struktura e Posaçme ka dërguar në gjykatë, te gjyqtari Erion Bani dhjetëra kërkesa për urdhër-arreste.

Në emrat kryesorë që përmenden janë Klodian Zoto, Mirel Mërtiri dhe Arben Ahmetaj, familjarë të Arben Ahmetajt, njerëz të afërm të tij, por edhe disa zyrtarë dhe biznesmenë.

Bëhet fjalë për dhjetëra biznesmenë, të lidhur me skemat e përfitimeve që pretendon SPAK-u se ka pasur Arben Ahmetaj, në lidhje me çështjet e pasurive të fshehura prej tij dhe të padeklaruara, për të cilat SPAK ka ngritur 3 akuza ndaj Arben Ahmetajt, ajo e fshehjes së pasurisë, mosdeklarimit të saj dhe pastrimit të produkteve të veprës penale.

Tashmë pritet thjeshtë dhe vetëm vendimi i gjykatës për të zbatuar urdhrat e kërkuara nga SPAK, por sipas informacioneve që ka CNA, shumë prej biznesmenëve dhe njerëzve të përfshirë në dosjen Ahmetaj, për shkak të zhurmës së madhe, reagimit të fortë mediatik, informacionit që ka rrjedhur në publik, janë larguar nga vendi dhe mesa duket SPAK ndoshta do të mbetet dhe “me gisht në gojë”./ CNA

Lajmet e fundit nga