E fundit!

08:09 Kronika

E rëndë në Maliq/ Një person vret efektivin e policisë, plagos 1 tjetër

Një ngjarje e rëndë është shënuar këtë të enjte në Maliq, ...

Skandali me tenderin e “byzylykëve”/ Ministria e Drejtësisë fiton gjyqin

4 Nëntor 2020, 13:33, Aktualitet CNA

Ministria e Drejtësisë pas një procesi të gjatë ka aritur të fitojë gjyqin kundër bashkimit të operatorëve për kontratën e byzylykëve të mbikqyrjes elektronike. Byzylykët elektronikë do të shërbenin për të paraburgosurit apo të dënuarit me arrest shtëpie.

Gjykata Administrative e Tiranës i dha të drejtë Ministrisë së Drejtësisë për shërbimin e pakryer të pajisjeve të mbikqyrjes elektronike duke rikthyer në Buxhetin e Shtetit 2.2 miliardë lekë. Gjyqtarët kanë urdhëruar Bashkimin e Operatorëve Ekonomikë, Ratech shpk, Fastech shpk dhe Soft & Solutions që të depozitojnë në Buxhetin e Shtetit shumën prej 150 mln lekësh që kishte marrë nga marrëveshja nënkontraktore e nënshkruar që në 2017 me Ministrinë e Drejtësisë.

Nën vëmendjen e drejtpërdrejtë të Ministres së Drejtësisë Etilda Gjonaj, përfaqësuesit ligjorë të Ministrisë kanë arritur të bindin Gjykatën të rikthejë shumën e paprecendentë në favor të Shtetit Shqiptar, duke detyruar kompanitë të rikthejnë fondet e përtuara në mënyrë abuzive.

Kujtojmë se në muajin shkurt të vitit 2019, Prokuroria e Tiranës dhuroi spektakël më një sërë arrestimesh të zyrtarëve të lartë në lidhje me skandalin e tenderit të byzylykëve. Prokuroria lëshoi 8 fletë arreste, për zyrtarë të Ministrisë së Drejtësisë midis tyre funksionarë dhe ish funksionarë, të cilët akuzoheshin për ?Shpërdorim detyre? dhe ?Shkelje të barazisë në tendera?.

Nën verifikim, siç u tha atëherë nga Prokuroria përfunduan edhe dy ish ministrat e Drejtësisë, Ylli Manjani dhe Petrit Vasili. Prokuroria e Tiranës njoftoi se kishte rihapur çështjen e mbikqyrjes elektronike, si dhe kishte rinisur hetimet për tenderin e byzylykëve. Kur u duk se gjithçka ishte harruar, Prokuroria njoftoi se kishte vënë nën hetim 12 persona, 4 prej të cilëve, Gjykata i la me masë arresti shtëpie dhe 8 të tjerë i la me masën detyrim paraqitje.

Në arrest shtëpie u vënë ish-sekretarja e përgjithshme e Ministrisë së Drejtësisë, Juliana Hoxha dhe drejtori i shërbimeve mbështetëse Aurel Lamce, si dhe specialistët e IT Lysien Ali dhe Arlind Alikaj. Zyrtarët në fjalë ishin kallëzuar penalisht edhe nga ish-ministri i Drejtësisë Gazmend Bardhi, për skandalin me tenderin e byzylykëve që lidhet me mbikqyrjen elektronike të të dënuarve.

Shtrirja e hetimeve përkonte edhe me kohën kur dikasteri drejtohej nga ish-ministrat Petrit Vasili dhe Ylli Manjani. Në media u raportua se në pesë procedura tenderimi, ishin evidentuar shkelje që kishin lidhje me shërbimin e kamerave në burgje si edhe mbi regjistrin noterial që nuk funksiononte.

Dy ish-ministrat Ylli Manjani dhe Petrit Vasili u thirrën për t?u marrë në pyetje për pozicionin dhe rolin e tyre që ata kanë pasur në 5 tendera. Manjani u paraqit në Prokurori ku u mor në pyetje nga prokurori Kreshnik Ajazi, ndërsa Petrit Vasili e injoroi thirrjen e Prokurorisë. Por skandali u thellua pasi Prokuroria që nuk dinte se çfarë po bëhej me këtë çështje.

CNA.al e pyeti asokohe Prokurorinë e Tiranës se çfarë ka ndodhur me këto hetime, duke i kërkuar informacione, për dy ish ministrat e Drejtësisë, Manjani dhe Vasili por edhe për kompaninë që Ministria e Drejtësisë lidhi marrëveshje për byzlykët me shoqërinë Soft & Solutions të Ermal Beqirit.

Pas më shumë se dy muajsh, Prokuroria ka denjuar të kthejë një përgjigje gjysmake, duke treguar se hetimet janë pushuar që në vitin 2018. Por hetimiet u hapën sërish pas ankimimit nga Ministria e Drejtësisë. CNA.al/