web counter
LEXO PA REKLAMA!

SHKARKO APP

App Store
Google Play

E fundit!

x

Greva e grave në Ballsh/ Meta thirrje urgjente qeverisë: Të zgjidhen menjëherë kërkesat e tyre

4 Nëntor 2020, 12:10, Aktualitet CNA

Presidenti Ilir Meta i ka bërë një thirrje urgjente kryeministrit Edi Rama, sa i takon grevës së urisë së grave të Rafinerisë së Ballshit.

Përmes një postimi, Meta i ka kërkuar Ramës që të krijojë një urë dialogu me to për zgjidhjen e kërkesave.

Kjo sipas tij duhet bërë menjëherë që të shmanget përkeqësimi i shëndetit të grave.

“Është tepër e domosdoshme dhe bëj thirrje për vendosjen e menjëhershme të dialogut mes Qeverisë dhe grave greviste e naftëtarve për një zgjidhje sa më të pranueshme të kërkesave të drejta të tyre, për të shmangur përshkallëzimin e situatës me pasoja për shëndetin e grevistëve.

Është shumë e rëndësishme të bëhet çdo përpjekje, pa vonesa të metejshme, për një trajtim të përgjegjshëm shtetëror dhe njerëzor të kësaj çështje, me qëllim zgjidhjen e kësaj situate të rëndë sociale dhe humanitare përpara se të përballemi me probleme shëndetësore që mund të rrezikojnë jetën e të ngujuarve“, shkruan Meta. CNA.al/

 

 





Lajmet e fundit nga