web counter
LEXO PA REKLAMA!

SHKARKO APP

App Store
Google Play

E fundit!

x

Nis shqyrtimi i çështjeve në Gjykatën e Lartë/ Proceset civile dhe administrative do gjykohen nga 3 anëtarët e emëruar

4 Nëntor 2020, 12:46, Aktualitet CNA

Gjykata e Lartë njofton se nga nesër do të fillojë shqyrtimi i çështjeve gjyqësore në seanca publike.

Bëhet fjalë për proceset civile dhe administrative, të cilat gjykohen me 3 anëtarë në Gjykatën e Lartë.

Në njoftimin për mediat, bëhet me dije se shqyrtimi do fillojë sipas kalendarit të planifikuar dhe shpalljeve në faqen zyrtare të kësaj gjykate, si dhe ambientet e jashtme të saj.

Prej muajsh në Gjykatën e Lartë janë emëruar tre anëtarë, duke e bërë atë funksionale. Ata janë Sokol Sadushi, Ervin Pupe dhe Ilir Panda.

?Gjykata e Lartë ka filluar shqyrtimin e çështjeve gjyqësore në seanca publike, sipas kalendarit të planifikuar dhe shpalljeve në faqen zyrtare të kësaj gjykate si dhe ambjentet e jashtme të saj.

Dëshirojmë të sjellim në vëmendjen e palëve në proces dhe avokatëve, të cilët kanë paraqitur rekurse pranë kësaj gjykate, të konsultohen rregullisht me shpalljet zyrtare që bën Gjykata e Lartë në ëebsitin e saj ëëë.gjykataelarte.gov.al , ?Lista e Çështjeve të Shpallura për Gjykim? si edhe në ambjentet e jashtme të gjykatës (stendat publike)?, thuhet në njoftim.

Këto çështje që do të trajtohen në seanca publike kanë pasur fazën ?gjyq?, dhe janë vendosur para procesit të vettingut, sqaron Gjykata e Lartë.

Duke qenë se janë çështje të vjetra në kohë, ose me problematika delikate, apo të kthyera nga Gjykata Kushtetuese, si dhe mund të gjykohen me tre gjyqtarë, është vendosur të çelet seanca gjyqësore.

Gjithashtu, një tjetër arsyetim për shqyrtimin e tyre është dhe për shkak të natyrës që kanë dhe kohës së gjatë të paraqitjes në gjykatë. CNA.al/

 





Lajmet e fundit nga