27 vjet burg për ortakët e Vjollca Hoxhës

18 Maj 2023, 19:20, Aktualitet CNA

27 vjet burg për ortakët e Vjollca Hoxhës

Fotomontazh - Stela Gugallja, Klodian Zoto, Mirel Mërtiri dhe Vjollca Hoxha

Prokuroria e Posaçme dha sot pretencën për ortakët e Vjollca Hoxhës së “Top Channel”, në lidhje me aferën e inceneratorit të Elbasanit.

Në total, Prokuroria e Posaçme kërkoi 27 vite burg për Mirel Mërtirin, e cilësuar si “truri” i inceneratorëve, për Klodian Zoton dhe Stela Gugalljan.

Fotomontazh - Mirel Mërtiri, Stela Gugallja dhe Klodian Zoto

Konkretisht u kërkua 10 vite burg për Zoton dhe Mërtirin, ndërsa 7 vite për bashkëjetuesen e këtij të fundit, Stela Gugalljan.

Bosët e aferës së djegësve në arrati/ SPAK-u kërkon 27 vite burg për “trurin” e inceneratorëve dhe bashkëpunëtorët e tij
18 Maj, 10:21

Duke qenë se gjykata ka pranuar gjykimin e shkurtuar, Klodian Zoto dhe Mirel Mërtiri mund të dënohen me 6 vite e 8 muaj burgim, e ndërsa Gugallja me 4 vite e 8 muaj burg.

Këta persona, që janë edhe kokat e megaaferës së 3 inceneratorëve të Elbasanit, Fierit e Tiranës, janë të lidhur me Vjollca Hoxhën, lidhje këto që CNA i ka treguar me dokumenta.

Vjollca Hoxha

Që në vitin 2019, CNA ka raportuar se si Vjollca Hoxha u bë ortake me Mirel Mërtirin dhe Klodian Zoton nëpërmjet kompanisë “EM Capital Group”, e cila qe krijuar në Bullgari.

Ortakët e Vjollca Hoxhës, nën akuzë dhe të kërkuar/ Po paratë që mori "Top Channel"?
15 Nëntor, 11:45

“EM Capital Group” bëri ortakëri me “Valtelina” shpk, me Vjollca Hoxhën, me Lori Hoxhën, me Sara Hoxhën, me fëmijët e saj, me bashkëaksionerët e “Top Channel”.

Njerëzit e inceneratorëve erdhën në Tiranë dhe blenë 51 për qind të aksioneve të brendit të “Lori Cafesë”, “Valtelina Café” dhe pas tri vitesh ata ia rikthyen aksionet familjes Hoxha.

“Top-inceneratori”/ Si Vjollca Hoxha u bë ortake dhe mori miliona euro nga afera e shekullit
13 Maj, 07:50

Por lidhjet nuk mbyllen vetëm këtu. Vjollca Hoxha u bë aksionere edhe me Stela Gugalljan me kompaninë “KUDO PAY”. Gjatë gjithë kohës “Top Channel” ka bërë propagandë për inceneratorët dhe faturat kanë vërtetuar se ka marrë miliona euro për shërbime e klientelizëm ndaj ortakëve të saj.

Sot ndaj ortakëve të Vjollca Hoxhës u kërkuan 27 vite burg dhe ky është vetëm Elbasani.

Ende nuk janë kërkuar vitet e burgut për inceneratorin e Fierit dhe nuk është hapur kapaku i pusetës së Tiranës./ CNA.al