web counter
LEXO PA REKLAMA!

SHKARKO APP

App Store
Google Play

E fundit!

x

Thirrja e dytë për Dumanin/ Afera e inceneratorëve kërkon përgjigje

16 Maj 2023, 13:32, Aktualitet CNA
Thirrja e dytë për Dumanin/ Afera e inceneratorëve kërkon
Foto ilustruese

Është dita e dytë pas zgjedhjeve dhe Altin Dumani është në ditën e dytë pikërisht të punës pas zgjedhjeve. CNA, në dy shkrime, i është drejtuar Dumanit duke thënë se “ha gjizë si Agushi”, pasi kjo ka lidhje edhe me një dalje të tij publike, ku na tha se kishte hallin e një arbitrazhi për inceneratorin e Tiranës, që në fakt nuk duhet të ishte hall i tij.

Halli i tij është të zbardhë të vërtetën, të lexojë dokumentet dhe të gjejë provat dhe faktet, e në rast se nuk i di të gjitha apo nuk i ka në dokumente disa mund t’ia vëmë në dispozicion si disa të tjera që po ia çojmë ditë pas dite.

I publikojmë në media sepse bëjmë detyrën tonë, mund t’ia çojmë dhe në zyrë t’i ketë në sirtar, por mjafton të konfirmojë dhe verifikojë ato që janë publikuar dhe të tjera që janë çuar për të kuptuar kush janë pronarët dhe si qëndron e vërteta e inceneratorëve.

Jemi në ditën e dytë pas zgjedhjeve, socialistët fituan, por inceneratori vazhdon. Është i bekuar nga socialistët, pa asnjë diskutim, por ne nuk i kemi bërë shkrimet tona dhe nuk e kemi bërë problematikën si çështje politike, jo. E kemi cilësuar si çështje korrupsioni që ka filluar në Elbasan, shkon në Fier dhe vjen në Tiranë, me Klodian Zoton, Mirel Mërtirin, Stela Gugallen e të tjerë.

Në rast se dikush nuk e di dhe nuk e kupton duhet vetë që Altin Dumani ta zbardhë të vërtetën, të bëjë detyrën. Jo atë që bënë një bandë e madhe mediatike gjobaxhinjsh apo ndonjë televizion kombëtar në ortakëri me inceneratorët, jo, por të zbardhë të vërtetën që duan të dinë gjithë shqiptarët dhe njëherë e mirë çështja të marrë përgjigjen e duhur.

A ka pasur korrupsion ose jo me inceneratorët, megjithëse SPAK-u deri më tani ka treguar se Fieri dhe Elbasani kanë pasur çështje korruptive.

Në Tiranë është një gropë e deklaruar me të ardhura dhjetëra miliona euro, rreth 25 milionë euro në vit, dhe fitim rreth 30 milionë dollarë e kështu me radhë, në 6 vite.

Incenerator nuk ka.

Do të ishte e udhës që Altin Dumani të shikonte vetë me ekspertët e tij dhe të shikonte se çfarë ndodh në landfillin e Sharrës.

Ku është kontrata? Si po zbatohet ajo? A është ndërtuar inceneratori? Pse është vonuar? Kush kanë qenë konsulentët? Si janë paguar? Si janë ndryshuar administratorët? Cilët janë personat e përfshirë? Cilat janë firmat që punojnë? Kush janë kontraktorët? Të shikojnë pak zinxhirin e pagesave brenda dhe jashtë bankave e kështu me radhë.

Prandaj ne çdo ditë do t’ia kujtojmë zotit Dumani detyrën e tij në lidhje me inceneratorët, dhe jo vetëm SPAK-ut në përgjithësi atij dhe prokurorëve që kanë nën hetim Tiranën, pasi me zgjatjen e afateve me veprimet dhe mosveprimet e tyre po tregojnë se janë palë me kompaninë e inceneratorëve dhe po marrin në mbrojtje një korrupsion të denoncuar, por edhe të kallëzuar në SPAK./ CNA.al

 





Lajmet e fundit nga