E fundit!

09:23 Aktualitet

Shqipëria avancon në negociatat me BE-në, sot hap i ri drejt integrimit europian

Shqipëria shënon një tjetër moment të rëndësishëm në rrugë...

Dule ngre akuzat/ Çfarë fshihet pas sulmit të Ramës ndaj Belerit

16 Maj 2023, 22:28, Aktualitet CNA

Dule ngre akuzat/ Çfarë fshihet pas sulmit të Ramës ndaj

Kryetari i Partisë Bashkimi për të Drejtat e Njeriut, Vangjel Dule

Kryetari i Partisë Bashkimi për të Drejtat e Njeriut, Vangjel Dule është shprehur se problemi kryesor në Himarë është tjetërsimi i pronave.

Dule në një intervistë për gazetarin Adi Krasta ka hedhur akuza ndaj kryeministrit Edi Rama duke thënë se çështja e tjetërsimit të pronave është në interes të drejtpërdrejtë të tij.

Ndër të tjera ai zbuloi se Fredi Beleri kishte hartuar një strategji për çështjen e e tjetërsimit të pronave dhe njerëzit e besuan.

Kjo ishtë sipas Dulës dhe arsyeja që solli edhe ndërhyrjen brutale të Ramës që e çoi në pranga.

“Sot paradite theksova në një intervistë dhe theksova këto dy fakte. Kryefjala e problematikës së Himarës është tjetërsimi i pronave. Tjetërsimi i pronave është një problem në të gjithë Shqipërinë, por masiviteti dhe intensiteti me të cilin manifestohet ky problem në Himarë është i shumëfishtë krahasuar me zonat e tjera të Shqipërisë.

Pothuajse e gjithë hapësira bregdetare e Jonit është nën sulmin e përditshëm me zbatim ligjesh dhe vendimesh të qeverisë, të Këshillit Kombëtar të Territorit të cilat kanë një objekt, që në vlerësimin tim është zgjedhje strategjike e kryeministrit: tjetërsimi i statusit pronësor në dëm të pronarëve vendas dhe në favor të interesave klienteliste të kryeministrit.

Kolegu juaj grek me të cilin fola sot, më tha është e rëndë, a mund ta bëni pak më të shkoqur. I përmenda rastin që e dinë të gjithë; bashkëshorti i ministres së Jashtme me kompaninë e tij është një nga përfituesit e këtyre praktikave. Konsiderohet investues strategjik në pronën që nuk është as e shtetit dhe as e tij dhe kjo problematikë po zbatohet pothuajse në të gjithë Himarën, duke dhunuar të drejta që janë të shenjta dhe duke e shoqëruar me një klimë terrorizimi dhe kërcënimi të vazhdueshëm me qëllim që askush të mos protestojë dhe ti pushtojë fataliteti.

Dhe këtu doli Fredi Beleri i cili vuri në epiqendër pronën dhe e besuan qytetarët, krijoi një motivim të fuqishëm dhe situata po shkonte në fitore dhe këtu kemi pikërisht ndërhyrjen brutale kundër çdo norme demokratike duke arritur deri në arrestimin e Belerit”, tha ai./CNA.al