LEXO PA REKLAMA!

SHKARKO APP

Ulje e numrit të nxënësve për klasë/ Ministrja Kushi njofton ndryshimet për vitin e ri shkollor

17 Korrik 2023, 09:50, Aktualitet CNA
Ulje e numrit të nxënësve për klasë/ Ministrja Kushi
Evis Kushi

Ministrja e Arsimit dhe Sportit, Evis Kushi, ka bërë me dije se janë miratuar disa ndryshime për vitin e ri shkollor, që sipas saj synojnë rritjen e cilësisë dhe kushte më të favorshme për mësuesit dhe nxënësit. 

Kushi bën me dije se numri mesatar i nxënësve për klasë do ulet nga 35 në 30, në të gjitha gjimnazet dhe shkollat e orientuara.

Gjithashtu, njofton se do të rritet numri i nëndrejtorëve në shkolla, ku përkatësisht Kushi thotë: “Shkollat që kanë mbi 800 nxënës do të kenë tre nëndrejtorë, ndërkohë që ky numër më parë ka qenë mbi 900 nxënës". 

Një tjetër ndryshim që bën me dije ministrja është që në të gjitha shkollat e arsimit special për nxënësit me aftësi ndryshe, për herë të parë do të kenë edhe nëndrejtor.

"Kur numri i nxënësve kalon mbi 130, atëherë shkolla do të ketë dy nëndrejtorë", sqaron ministrja. 

 

Lajmet e fundit nga