LEXO PA REKLAMA!

SHKARKO APP

EMRAT/ Emërohen drejtues të rinj në Komisariatin e Krujës, 26 efektivë pjesë e strukturës

17 Korrik 2023, 08:35, Aktualitet CNA

EMRAT/ Emërohen drejtues të rinj në Komisariatin e Krujës,

Emërohen në komisariatin e Krujës 26 punonjës të policisë, pas shkarkimeve për dhunën barbare të fisit Rraja ndaj dy qytetarëve me mbiemër Maja. Ndërkohë janë emëruar edhe 3 drejtuesit e rinj, shefi i Komisariatit, zv.shefi i Komisariatit dhe shefi i Seksionit në Seksionin e Patrullës së Përgjithshme. 

Policia sqaron se lirimet dhe emërimet në këtë komisariat erdhën bazuar në statistikat e kriminalitetit dhe problematikave të tjera të rendit e sigurisë, ku një numër personash me precedent kriminalë, janë përfshirë në ngjarje të ndryshme kriminale me impakt te qytetarët.

Lirimet dhe emërimet: 

- Lirimin nga detyra të Shefit të Komisariatit të Policisë Krujë Komisar Elton Shahini dhe emërimin në këtë detyrë të Komisar Kreshnik Alimadhi.

- Lirimin nga detyra të Zëvendësshefit të Komisariatit/Shef për Hetimin e Krimeve në Komisariatin e Policisë Krujë, Nënkomisar Ajet Bega dhe emërimin në këtë detyrë të Nënkomisar Sadik Topuzi.

- Lirimin nga detyra të Shefit të Seksionit në Seksionin e Patrullës së Përgjithshme, në Komisariatin e Policisë Krujë nënkomisar Anri Nazaj dhe emërimin në këtë detyrë të Nënkomisar Dashamir Ilamaj.

- Transferimin e menjëhershëm të 26 punonjësve të Policisë të nivelit zbatues, pjesë të strukturave të njësisë operacionale, të strukturës së Policimit në Komunitet dhe të Patrullës së Përgjithshme.

"Nga Drejtoria Vendore e Policisë Tiranë duke qenë përgjegjëse për çështjet e rendit dhe sigurisë, janë komanduar në Komisariatin e Policisë Krujë një trupë policore e repartit special Shqiponja dhe Shigjeta, me qëllim kontrollin më të mirë të territorit dhe për një reagim më të shpejtë në rast problematikash", njofton policia. 

 

 

Lajmet e fundit nga