web counter
LEXO PA REKLAMA!

SHKARKO APP

App Store
Google Play

Filantropisti kinez “zbarkon” në Tiranë/ Jack Ma fotografohet duke darkuar në kryeqytet

15 Korrik 2023, 14:20, Aktualitet CNA
Filantropisti kinez “zbarkon” në Tiranë/ Jack Ma
Jack Ma

Jack Ma bashkëthemeluesi i “Alibaba Group” njëkohësisht dhe një nga njerëzit më me influencë në botë për shkak të perandorisë së tij ekonomike, ka “zbarkuar” në Tiranë për të qëndruar disa ditë.

Ai është parë dhe fotografuar duke darkuar në një nga restorantet luksoze të kryeqytetit.

Aktualisht nuk ka një njoftim zyrtar në lidhje me vizitën e tij dhe nuk dihet nëse filantropi kinez ka ardhur në Tiranë për biznes apo turizëm.

Bashkëthemeluesi i “Alibaba Group”, një prej kompanive më gjigande të shitjeve online e shtrirë në shumë vende të botës,  Jack Ma, është një manjat biznesi, investitor dhe filantropist kinez.

Po ashtu Jack Ma është bashkëthemelues i “Yunfeng Capital”, një firmë kineze e kapitalit privat.

Manjati kinez pozicionohet në vendin e 4 si më i pasuri në Kinë dhe një ndër më të pasurit në botë, me një pasuri me vlerë neto prej 34,5 miliardë dollarësh.

Gjatë periudhës së pandemisë  Fondacioni Alibaba dhe Fondacioni Jack Ma nisën iniciativa të ndryshme, disa prej të cilave përfshinin dhurimin e furnizimeve mjekësore për Shtetet e Bashkuara, si dhe vende të ndryshme në Azi, Afrikë dhe Evropë. 

 

 





Lajmet e fundit nga