Kritikat e tij nuk u pëlqyen nga Partia Komuniste, ku ka përfunduar miliarderi Xhek Ma?

6 Janar 2021, 09:21, Blog CNA

Nga Helen Davidson ?The Guardian?

Shtohen spekulimet mbi vendndodhjet e miliarderit kinez Xhek Ma, që nuk është parë ose dëgjuar në publik prej më shumë se 2 muajsh. Ma, bashkëthemeluesi dhe ish-drejtues i kompanisë teknologjike ?Alibaba?, ishte armiqësuar kohët e fundit me udhëheqjen komuniste të vendit.

Në fundin e muajit tetorit, ai qëndronte përkrah zyrtarëve të lartë, dhe mbajti një fjalim të ashpër duke kritikuar entet rregullatorët kombëtare, kritika këto që raportohet se e kanë zemëruar shumë presidentin e Kinës, Xi Jinping.

Në muajt që pasuan, entet rregullatore e morën në pyetje Ma dhe drejtues të tjerë të kompanisë, dhe penguan atë që do të kishte qenë oferta më e madhe në botë e kompanisë së tij, ?Ant Group?. Më vonë autoritetet nisën disa hetime anti-monopol ndaj kompanisë ?Alibaba? dhe konkurrentes së tij kryesore ?TenCent?,ndërsa thirrën në një seancë pyetje-përgjigje drejtuesit e?Ant Group?.

Në fund të dhjetorit, entet rregullatore e urdhëruan zoti Ma që të shkatërronte perandorinë e tij të biznesit. Mbi Ma nuk është dëgjuar asgjë që pas atyre polemikave. Paraqitja e tij e fundit publike, ishte një ngjarje e transmetuar drejtpërdrejt nga televizionet më 31 tetor, një ceremoni hapëse e ngjarjes vjetore kineze të blerjeve ?Double 11?.

Thuhet se në nëntor, ai nuk u shfaq në rolin e tij si gjyqtar për episodin e fundit të reality show në fushën e sipërmarrjes ?Africa?s Business Heroes?, për të cilin kompania ?Alibaba? është shfajësuar me një përplasje të axhendës së biznesmenit. Ma u zëvendësua në shfaqje nga një tjetër drejtues ekzekutiv i?Alibaba?, dhe fotoja e tij u hoq nga faqja e internetit. Gjithashtu, Xhek Ma nuk u paraqit as në takimin e Dhomës së Tregtisë së Shangait Zhejiang të këtij viti, ku ai ka mbajtur një fjalim çdo vit që nga 2016-a.
Bloomberg raportoi se Ma ishte paralajmëruar në fillim të dhjetorit 2020 që të mos largohej nga vendi. Një hashtag ?Ma Jun u ndalua të largohej nga Kina? – duke iu referuar emrit kinez të mandatit – u censurua në Weibo, por emri i tij nuk u shfaq publikisht në një bazë të të dhënave kombëtare të njerëzve që u nënshtrohen ndalimeve të tilla.

Me kaq pak informacion të konfirmuar, analistët janë të kujdesshëm dhe nuk duan të nxitojnë në nxjerrjen e përfundimeve. BBC citoi një punonjës të ?Alibaba?, të thoshte se Xhek Ma shpesh merr disa javë pushime para vitit të ri kinez, që kremtohet në muajin shkurt.

Martin Çorzempa, studiues në Institutin Peterson për Ekonomi Ndërkombëtare, tha për portalin?Vice? se e priste që Ma të ruante aktualisht një profil të ulët.

?Kur kompania juaj ndodhet në një situatë shumë të ndërlikuar politike, ju nuk do të donit të ishit në qendër të vëmendjes së publikut?- thekson ai.

Daunkan Klark, shefi i kompanisë së konsulencës teknike ?BDA China? me seli në Pekin, e pranoi që Ma ka të ngjarë të shmangë vetë vëmendjen e publikut. ?Kjo është një situatë shumë e veçantë, e lidhur më shumë me shkallën e madhe të ?Ant Group? dhe ndjeshmëritë mbi rregullimin financiar?-thotë ai.

Gjithsesi, goditjet e ndryshme ndaj perandorisë financiare të Ma, janë interpretuar që të gjitha si një ndëshkim që qeveria e Kinës po përdor për të frenuar një biznesmen që po i tejkalonte kufijtë e përcaktuar, pasi ai ishte bërë i njohur ndërkombëtarisht, dhe nuk kishte frikë të kritikonte publikisht qeverinë e partisë Komuniste Kineze (PKK).

Që atëherë, kjo e fundit ka pasur si prioritet të sajin goditjen e praktikave monopolistike. Kur entet rregullatore, ndaluan ofertën fillestare publike të ?Ant Group?, një editorial i gazetës shtetërore ?People?s Daily?shkruante ndër të tjera:?Nuk ka asnjë të ashtuquajtur Epokë të Ma Jun, por Ma Jun është pjesë e një epoke?. Por, Xhek Ma nuk është manjati i parë kinez që përballet me goditje nga qeveria.Në vitin 2018, Vu Xiaohui, që themeloi kompaninë e sigurimeve?Anbang?, u dënua për mashtrim dhe abuzim me pushtetin, dhe u dënua me 18 vjet burg.

Në mars, manjati i pasurive të patundshme Ren Zhiqiang u zhduk nga skena, pasi shkroi një ese kritike ndaj reagimit të Kinës ndaj Covid-19, dhe thuhet se e quajti një kloun presidentin Xi Jingping. Në shtator 2020, ai u dënua me 18 vjet burg për korrupsion.

Bill Bishop, botues i gazetës ?Sinocism?i fokusuar tek Kina, shkroi se me rastin e Xhek Ma ?Partia Komuniste Kineze, i ka kujtuar edhe një herë të gjithë sipërmarrësve privatë, se pavarësisht sesa të pasur e të suksesshëm janë ata, partia mund t?i shkatërrojë në çdo kohë?.Aksionet e ?Alibaba? në bursën e Hong Kongut ranë të hënën me 2.15 për qind./Përshtatur nga CNA.al

Burimi: https://www.theguardian.com/business/2021/jan/05/where-is-jack-ma-chinese-tycoon-not-seen-since-october-alibaba