web counter
LEXO PA REKLAMA!

SHKARKO APP

App Store
Google Play

E fundit!

x

Ngrohja globale, ka sjellë që tani efekte shqetësuese mbi shëndetin 

2 Janar 2021, 11:30, Blog CNA

Pavarësisht motit të keq javët e fundit, nga pikëpamja e klimës viti 2020 është për momentin një nga tre vitet më të nxehta të regjistruara ndonjëherë, pas vitit 2016 dhe 2019. Kjo u deklarua nga Organizata Botërore Meteorologjike (ËMO) në raportin mbi Gjendjes së Klimës Globale 2020, bazuar tani për tani në të dhënat e mbledhura midis janarit dhe tetorit.

Viti i pandemisë së Covid-19, zjarret në Kaliforni, temperatura 38 gradë Celcius në Siberi, dhe humbja rekord e akullit në Grenlandë, është pjesë e dekadës më të keqe të regjistruar ndonjëherë, atë të Marrëveshjes së Parisit, tashmë të vjetruar dhe të shkelur shumë herë. Temperatura mesatare globale për vitin 2020 është vendosur të arrijë +1.2 gradë Celcius
nga epoka para-industriale (të dhënat përfundimtare do të mbërrijnë në Mars 2021). Duke vazhduar kështu, ka shumë mundësi të tejkalojë nivelin 1.5 gradë Celsius deri në vitin 2024.

Vapa e madhe po vret që tani shumë njerëz

Efektet e gjithë kësaj situate në shëndetin globale janë të pranishme që tani, dhe do të ishte e gabuar të pritet që këto ngjarje të dalin në faqet e para të mediave. Një dokument tjetër i botuar këto ditë, Raporti i vitit 2020 i revistës ?Lancet?, i përshkruan mirë këto debate: ?Ndikimi i ngrohjes globale mbi mirëqenien dhe mbijetesën e specieve tona është më delikat për shkak të goditjes nga nxehtësia, që po ndodh gjithnjë e më shpesh, sidomos tek të moshuarit në Hemisferën Veriore.

Më pak ushqim dhe më pak spitale

Raporti i ?Lancet? analizon 40 tregues që e lidhin ngrohjen globale me shëndetin. Një nga këto është siguria ushqimore, e kërcënuar nga ngjarjet klimatike ekstreme,të cilat nga viti 1981 deri në2020-ën, kanë sjellë një rënie prej 5.6 për qind të rendimentit të kulturave kryesore bujqësore në botë.
Pasja e një diete të shëndetshme dhe të përshtatshme,po bëhet gjithnjë e më e vështirë. Sikur të mos mjaftonte kjo, ngrohja globale po rrezikon edhe sistemet shëndetësore, të kërcënuara nga zjarret, uraganet, përmbytjet dhe katastrofa të tjera natyrore gjithnjë e më të shpeshta.

Infeksionet dhe pandemitë

Rritja e temperaturave, krijon kushte më të favorshme për përhapjen e infeksioneve dhe parazitëve që kërcënojnë jetën, si malaria, ethet dengue dhe kolera, dhe po rrit gjasat (përmes degradimit të habitateve natyrore) të shfaqjes së sëmundjeve zoonotike, që kalojnë nga kafshët te njerëzit, me efektet shkatërruese që kemi parë këtë vit.
Nga të gjitha këto shkaqe,vetëm në vitin 2018, 296.000 njerëz mbi 65 vjeç e sipër vdiqën nga pasojat e ngrohjes globale, me një rritje prej 54 për qindtë këtyre lloj vdekjeve krahasuar me 2000./Përshtatur nga CNA.al

Burimi: https://www.focus.it/ambiente/ecologia/global-warming-2020-effetti-salute-mondiale





Lajmet e fundit nga