web counter
LEXO PA REKLAMA!

SHKARKO APP

App Store
Google Play

E fundit!

x

A mund të prekemi nga Covid-19 në ashensor? Ja çfarë thonë ekspertët

29 Dhjetor 2020, 08:01, Blog CNA

Xhozef Alen, profesor i shkencave të ekspozimit në Shkollën e Shëndetit Publik në Universitetin e Harvardit, SHBA,thotë se ashensorët nuk janë aq shumë një ?magnet? për koronavirusin e ri sa mund ta mendojnë shumica e njerëzve.

?Unë e kuptoj që njerëzit kanë ankth gjatë përdorimit të ashensorit, sidomos në këtë kohë. Por realiteti është se ashensori është një mjedis me një rrezik të ulët për t?u prekur nga koronavirusi?– thotë Alen.

Gjatë vitit që po lëmë pas, Alen dhe kolegët e tij kanë mësuar më shumë se si përhapet koronavirusi, kryesisht përmes spërklave të frymëmarrjes, të cilat mund të qëndrojnë në ajër deri në 3 orë.

Ata gjithashtu kanë zbuluar se rreziku i ekspozimit varet nga3 faktorë kryesorë:Intensiteti (pra sa virus përhap një person në ajër), frekuenca (sa shpesh një person shkon në një hapësirë ku janë të pranishme spërklat me koronavirus) dhe kohëzgjatja (për sa kohë qëndron atje). Shumica e njerëzve i përdorin zakonisht ashensorët2 herë në ditë, dhe për më pak se 2 minuta në të njëjtën kohë. Në këto kushte, gjëja kryesore për t?u shqetësuar është intensiteti i ekspozimit, që mund të kontrollohet mjaft lehtë.

?Vër maskën, shih përpara dhe mos flit me askënd brenda në ashensor. Do të doja të shihja në çdo ashensor të afishuara këto rregulla?- thotë eksperti. Rregulli i të mos folurit është veçanërisht i rëndësishëm, pasi ashtu si të kënduarit, edhe bisedat e shkurtra prodhojnë më shumë aerosole sesa të qëndruarit në heshtje.
Riçard Korsi, dekan i inxhinierisë dhe shkencës kompjuterike në Universitetin Shtetëror të Portland që studion cilësinë e ajrit, krijoi një model të bazuar në informacionin ekzistues në lidhje me koronavirusin dhe mekanikën e ashensorit, për të parashikuar hipotetikisht kushtet e sigurisë së ashensorit.

Ai zbuloi se nëse dikush qëndron vetëm për 31 sekonda pa maskë, kollitet apo flet në celular, dhe pastaj del prej andej, afro 25 për qind e grimcave të tij virale do të jenë ende në ashensor për pasagjerin tjetër, edhe pasi dyert hapen dhe mbyllen dy herë.

?Synimi kryesor i eksperimentit,ishte të tregoja se një sasi e caktuar e virusit mund të jetë e qëndrueshme në ajër përtej një personi të infektuar duke përdorur ashensorin. Unë nuk e di nëse doza viral e marrë në një ashensor është mjaft e lartë për të paraqitur ndonjë rrezik të konsiderueshëm. Por unë vetë ndoshta do të përdorja shkallët nëse është e mundur?- thotë Korsi.

Linsej Marr, eksperte e aerosolit në Virginia Tech, thotë se ka shumë ndryshime midis ndërtesave dhe ?kjo varet vërtet nga ashensori?. Por Alen, që ka studiuar ventilimin e godinave dhe është bashkautor i librit ?Godina të shëndetshme:Ja si ambientet e brendshme diktojnë rendimentin në punë?, pohon se ?nuk ka rëndësi nëse është një ndërtesë e vjetër apo e re, ashensorët janë me rrezik të ulët nëse që të gjithë mbajnë një maskë?./Përshtatur nga CNA.al

Burimi: https://melmagazine.com/en-us/story/elevator-covid-risk-guidelines





Lajmet e fundit nga