E fundit!

14:51 Aktualitet

Pas më shumë se 5 orësh, Igli Tare del nga SPAK-u

Ish-futbollisti i Kombëtares shqiptare të futbollit, Igli ...

Studimi/ Çdokush mund të jetë një i pasjellshëm, troll, gjatë komenteve në rrjet

1 Janar 2021, 19:20, Blog CNA

Një studim i ri zbulon se dikush nuk ka pse të jetë një njeri i mënjanuar nga shoqëria dhe i zemëruar me të, për të qenë një provokator që poston në internet përmbajtje fyese për dikë tjetër. I kryer nga studiuesit në Universitetet Stenford dhe Kornell, studimi pretendon se ?troll?-ët në rrjet nuk janë domosdoshmërisht aq të ndryshëm nga ne të tjerët.

Ata nuk janë gjithmonë figura të fshehta dhe enigmatike. ?Ne donim të kuptonim pse ?trolling? si një dukuri është kaq e përhapur sot?- thotë autori kryesor i studimit Xhastin Çeng, studiues i shkencave kompjuterike.

?Ndërsa zakonisht mendohet se provokatorët dhe ofensuesit në rrjet janë veçanërisht individë sociopatikë që shfaqen herë pas here në forume të ndryshme, a janë ata vërtet vetëm këta njerëz që po kontrollojnë të tjerët??- shprehet ai.

Pjesa e parë e këtij studimi të ndërlikuar vëzhgoi 667 pjesëmarrës, ku që të gjithë u udhëzuan të bënin një provë të një vështirësie shumë të lehtë ose shumë të vështirë. Pas testit, pjesëmarrësit u udhëzuan të raportonin se si ndiheshin – për shembull shumë të zemëruar, të lodhur, të dëshpëruar, të stresuar.

Siç pritej, ata që patën testin më të vështirë, kishin më shumë të ngjarë të shprehnin emocione negative. Më pas pjesëmarrësve iu kërkua të lexojnë një artikull, dhe të hidhnin një sy pjesës së komenteve mbi të.

Disa pjesëmarrës panë një seksion komentesh me në krye 3komente ofenduese, ndërsa të tjerët panë një seksion komentesh me 3 komente neutrale si postimet kryesore. Pas leximit të artikullit dhe seksionit të komenteve, pjesëmarrësve iu kërkua të postonin një koment të tyre. Nga ata që iu nënshtruan testit më të lehtë dhe lexuan komentet neutrale, vetëm 35 për qind postuan atë që mund të përkufizohej si një koment i një troll-i.

Kjo përqindje u rrit deri në 50 tek ata që panë komentet e një troll-i ose iu nënshtruan testit më të vështirë, dhe 68 për qind për ata që i hasën që të dyja. Për ta çuar një hap më tej, studiuesit gjithashtu panë komentet e postuara në faqen e internetit të CNN gjatë gjithë vitit 2012.

Synimi ishte të kuptonim më mirë se cilët faktorë motivonin sjelljen e një ofenduesi në rrjet.

U zbulua se dita dhe koha e javës luanin një rol të madh në përhapjen e këtij fenomeni. Humori i keq ka tendencën të shpërthejë natën dhe në fillim të javës, dhe kjo korrespondonte me normat më të larta të komenteve shumë ofenduese në CNN.com.

Në fund, studiuesit përdorën një algoritëm për të parashikuara atë që mund të postojë një koment ofendues. Ata zbuluan se komentet e përdoruesve nga përdoruesit e mëparshëm ishin më parashikuese, ndërsa faktorë të tillë si historia dhe gjendja shpirtërore e përdoruesve ishin më pak tregues.

Në përgjithësi, ky studim sugjeron që në rrethana të caktuara, pothuajse çdokush mund të sillet si një troll. ?Është një spirale negativiteti?-thotë Xhur Leskovec, profesor i asociuar i shkencave kompjuterike në Stenford dhe autori më i moshuar në këtë studim.

?Vetëm një person që zgjohet çuditshëm në mëngjes, mund të krijojë një debat, dhe për shkak të kontekstit të diskutimit, shkëndijat që ai jep mund të degradojnë në një mori sjelljesh të këqija. Bisedat e këqija çojnë në biseda të tjera të këqija. Njerëzit të cilët vlerësohen më pak komentojnë më shumë dhe me një gjuhë më negative?- thotë ai.

?Në fund të ditës, ajo që sugjeron ky studim, është se jemi ne të gjithë që po e shkaktojmë këtë kaos në diskutimet online?-shton Majkëll Bernshtajn, asistent profesor i shkencave kompjuterike në Stanford dhe bashkautor i studimit.

?Shumë uebsajte lajmesh kanë hequr komentet poshtë lajmeve, pasi ata mendojnë se është në kundërshtim me debatin dhe diskutimin aktual. Të kuptuarit e vetvetes tonë më të mirë dhe më të keqe, është thelbësore për t’i rikthyer ata në rrugën e duhur?- shton ai./ Përshtati në shqip CNA.al