E fundit!

17:34 Politikë

Rama pret në takim Presidentin e Lituanisë/ Zbardhen diskutimet

Kryeministri Edi Rama ka pritur ditën e sotme në një takim...

Ja cilat janë efektet e rralla alergjike ndaj vaksinës së Pfizer

28 Dhjetor 2020, 07:30, Blog CNA

Zyrtarët e shëndetit publik, po hetojnë mbi shkakun e disa reaksioneve të rënda alergjike, që u raportuan midis qindra mijëra njerëzve të vaksinuar javën e kaluar me vaksinën e Pfizer-BioNTech kundër koronavirusit.

Sipas Qendrave për Kontrollin dhe Parandalimin e Sëmundjeve në SHBA (CDC), në javën e parë të vaksinimit 6 njerëz zhvilluan anafilaksi, ose një reaksion të rëndë alergjik që nëse nuk trajtohet mund të jetë kërcënues për jetën. Njëri nga ata pacientë kishte zhvilluar më parë anafilaksi, kur ishte vaksinuar ndaj sëmundjes së tërbimit. Por nuk është e qartë, nëse edhe pjesëmarrësit e tjerë, kishin gjithashtu histori paraprake të alergjive të rënda.

Ndërkohë po një javë më parë, 2 persona në Britaninë e Madhe, që të dy me një histori të alergjive të rënda, zhvilluan simptoma të ngjashme me anafilaksinë pasi morën vaksinën Pfizer. Kjo bëri që agjencia rregullatore e vendit, të këshillojë të shmangnin vaksinimin njerëzit që kanë pasur më parë reaksione alergjike ?të rëndësishme? ndaj vaksinave, ilaçeve ose ushqimit.

Në SHBA, Administrata e Ushqimit dhe Barnave (FDA), po rekomandon që vaksinën të mos e bëjnë vetëm njerëzit që kanë pasur më parë një reaksion të rëndë alergjik ndaj vaksinave të tjera, ose ndaj ndonjërit prej përbërësve të renditur në vaksinën e Pfizer.

Por a janë këto ngjarje reaksione alergjike vërtet ndaj vaksinës, dhe nëse po çfarë i shkakton ato?

Një hipotezë, është se ato shkaktohen nga një kimikat i përdorur zakonisht tek laksativët, që ndodhen tek të dyja vaksinat e Pfizer dhe Moderna-s. Por ka gjithashtu gjasa që disa nga rastet të mos jenë aspak reaksione alergjike të vërteta, thotë një ekspert për ?Live Science?.
Dhe në secilin rast, reagimet të tillë janë shumë të rralla. Edhe pse nuk ka asnjë mënyrë për ta ditur këtë gjë me siguri, një përbërës i vaksinës Pfizer po vihet në dyshim. ?Fajtori mund të jetë një përbërje e quajtur glukol polietileni (PEG)?-u tha gazetarëve më 19 dhjetor dr.Peter Marks, drejtori i Qendrës së Administrimit të Ushqimit dhe Barnave (FDA) për Vlerësimin dhe Kërkimin e Biologjikëve.

Ky përbërës është gjithashtu i pranishëm në vaksinën e Moderna-s, e cila ka një përbërje të ngjashme me atë të Pfizer. ?PEG është fajtori kryesor, pasi pjesa tjetër e përbërësve në vaksinën e Pfizer janë lipidet dhe kripërat dhe sheqeri, dhe gjëra që nuk janë alergjene të mundshme?- thotë dr.Purvi Parik, alergologe dhe imunologe në Univetistetin e Nju Jorkut. PEG gjendet në shumë ilaçe, si ato që trajtojnë kapsllëkun, por alergjia ndaj tij është e rrallë, shton Parik.
E rrallë, por jo e padëgjuar. Disa ilaçe që përmbajnë PEG, kanë shkaktuar herë pas here anafilaksi. Dhe ekspozimi paraprak ndaj saj, mund t?i ketë nxitur që disa njerëz të zhvillojnë nivele të larta të antitrupave kundër tij, duke i bërë ata të rrezikuar nga anafilaksia.

Parik e cilëson shqetësues faktin që ne nuk e dimë ende me siguri nëse të gjitha këto ishin reagime vërtet alergjike, kjo pasi disa kushte të tjera mund të imitojnë reaksione alergjike, dhe ato janë shumë më pak të rrezikshme për shëndetin. Një gjendje e tillë është ?sinkopa vazovagale?, e cila ndodh kur njerëzit shqetësohen shumë (të themi për shkak të një gjilpëre) dhe rrahjet e zemrës dhe presionit i gjakut bie shumë, dhe atyre u bie të fikët.

?Reagimet e vërteta alergjike ndaj vaksinave janë shumë të rralla. Statistikisht, keni më shumë të ngjarë të goditeni nga rrufeja, sesa të pësoni një reagim të vërtetë anafilaktik ndaj një vaksine?- thekson ajo.

Mesatarisht, mundësia e zhvillimit të anafilaksisë pas marrjes së një vaksine është rreth 1.31 në 1 milion, sipas një studimi të vitit 2015 të botuar në ?Journal of Allergy Clinical Immunology?. Por thotë Parik, ?është vërtet e rëndësishme të kemi një panoramë të plotë, duke i vlerësuar këto incidente, në mënyrë që të kemi një ide më të mirë se çfarë po ndodh?. Edhe nëse rezulton se të gjitha këto janë reaksione të vërteta alergjike, ato kanë ndodhur vetëm tek një pjesë e vogël të qindra mijëra njerëzve vetëm në SHBA, që tashmë janë vaksinuar me vaksinën anti-Covid të Pfizer.

?Këto raste mund të jenë duke bërë lajm, por shumë njerëz po e tolerojnë vaksinën pa ndonjë problem?-thekson Parik. As testet klinike të Moderna-s dhe as ato të Pfizer-it nuk zbuluan se vaksina shkaktonte efekte anësore të rënda anësore si anafilaksia.

Ndërsa njerëzit që janë alergjikë ndaj ndonjë prej përbërësve të vaksinave u përjashtuan nga provat, njerëzit me alergji të rëndë ushqimore ose ilaçesh ishin pjesë e tyre. Në testet e Pfizer u përjashtua kushdo që kishte një reagim të ashpër nga ndonjë vaksinë në të kaluarën. CDC rekomandon që të gjithë ata që marrin vaksinën Pfizer, duhet të vëzhgohen për 15 minuta. Ndërsa kushdo që ka pasur një histori të reaksioneve të rënda alergjike, duhet të qëndrojë për gjysmë ore në zyrën e mjekut apo klinikë./Përshtatur nga CNA.al

Burimi: https://www.sciencealert.com/here-s-what-you-should-know-about-the-pfizer-vaccine-s-rare-allergic-reaction