Studimi/ S’mjafton vetëm maska, duhet dhe distancimi për të parandaluar përhapjen e COVID-19

24 Dhjetor 2020, 08:59, Blog CNA

Vetëm mbajtja e një maske,mbase mund të mos jetë e mjaftueshme për të parandaluar përhapjen e COVID-19 pa distancimin social. Në një studim më të fundit, studiuesit testuan se si 5 lloje të ndryshme të materialeve të maskave, ndikuan në përhapjen e spërklave që bartin koronavirusin kur kollitemi ose teshtijmë.
Çdo material i testuar reduktonte ndjeshëm numrin e spërklave që përhapen. Por në distanca nëmë pak se 2 metra, në disa prej materialeve u konstatua se dilnin mjaftueshëm spërkla për të shkaktuar potencialisht infektimin nga virusi.

?Një maskë patjetër që ndihmon, por nëse njerëzit qëndrojnë shumë afër me njëri-tjetrin, ekziston mundësia e përhapjes apo e kontaminimit nga virusi,? tha Krishna Kota, profesor i asociuar në Universitetin Shtetëror të New Mexico dhe një nga autorët e artikullit. ?Jo vetëm maskat do të na ndihmojnë. Por të dyja, maskat dhe distancimi.?

Studiuesit në universitet, ndërtuan një makinë që përdor një gjenerator ajri për të imituar kollën dhe teshtitjet njerëzore. Gjeneratori u përdor për të shpërndarë grimca të vogla të lëngshme, si spërklat e teshtitjeve dhe kollitjeve, përmes fletëve të lazerit në një tub katror hermetik me një aparat fotografik.
Ata bllokuan rrjedhën e spërklave në tub me pesë lloje të ndryshme të materialeve të maskave – një maskë lecke e rregullt, një maskë pëlhure me dy shtresa, një maskë pëlhure me dy shtresa të lagur, një maskë kirurgjikale, dhe një maskë mjekësore N- 95.

Secila prej maskave kapi shumicën dërrmuese të spërklave, duke filluar nga maska e rregullt prej cope, e cila lejoi rreth 3.6 për qind e spërklave të kalonin nëpër tub, deri tek maska N-95, e cila ndaloi statistikisht 100 për qind të spërklave. Por në distanca në më pak se 2 metra, edhe ato përqindje të vogla të spërklave mund të jenë të mjaftueshme për të infektuar dikë, veçanërisht nëse personi me COVID-19 teshtin ose kollitet disa herë.

Një teshtimë e vetme mund të përmbajë deri në 200 milion grimca të vogla të virusit, në varësi të gjendjes shëndetësore që është bartësi i sëmundjes. Edhe nëse një maskë bllokon një përqindje të madhe të atyre grimcave, mund të dalin mjaftueshëm grimca të tjera për të infektuar dikë, veçanërisht nëse personi qëndron afër bartësit të sëmundjes.

?Pa një maskë fytyre, është pothuajse e sigurt që shumë spërkla nga persona të tjerë do të transferohen tek një individ që është i ndjeshëm,? tha Kota.

?Mbajtja e një maske mund t`i ofrojë një mbrojtje thelbësore por jo të plotë një personi të ndjeshëm, duke reduktuar spërklat e teshtimave nga persona të tjerë dhe spërkla e kollës, që në rast të kundërt do të depërtonin tek personi pa maskë. Duhet të kihet parasysh që të minimizohet ose të shmanget sa më shumë qëndrimi ballë për ballë, shumë afër me fytyrën, nëse është e mundur. ?Studimi gjithashtu nuk mori parasysh rrjedhjet nga maskat, qofshin ato të vendosura siç duhet apo jo, të cilat mund të shtojnë numrin e spërklave që përhapen në ajër./Përshtatur nga CNA.al

Burimi: https://www.eurekalert.org/pub_releases/2020-12/aiop-mne122120.php