E fundit!

09:05 Kosova & Bota

I nxehti përvëlon Europën Perëndimore/ Franca, Britania dhe Spanja përjetojnë temperatura rekord

Një valë e fortë të nxehti që ka përfshirë Europën Perëndi...

Xhejms Bond në jetën reale/ Nga u frymëzua Jan Flemingu?

20 Dhjetor 2020, 07:45, Blog CNA

Disa shkrimtarë, kalojnë vite në shkrimin e romanit të tyre të parë. Jan Flemingu e realizoi brenda disa javësh. Në janarin e vitit 1952, gazetari britanik me një moshë mesatare, po shijonte diellin e dimrit gjatë pushimeve që bënte në Karaibe.

Një mëngjes, pasi notoi për disa minuta, dhe konsumoi mëngjesin të tij të zakonshëm, vezë të fërguara dhe kafe, Flemingu u ul në makinën e shkrimit të tij ?Royal? dhe nisi shkrimin e pjesës së parë ?Casino Royale?. Një muaj më vonë e mbaroi gjithë librin.

Në jetë kishte ardhur Xhejms Bondi. Flemingu shkroi edhe 13 romane të tjera mbi këtë personazh, të cilat kanë shitur më shumë se 100 milion kopje në mbarë botën. Përshtatjet e librit në filma, kanë gjeneruar më shumë se 5 miliardë paund të ardhura, duke e bërë sagën e Xhejms Bond një nga më të suksesshmet në histori.

Po si lindi ky personazh dhe personazhet e tjera në libër? Flemingu ishte një njeri me shumë interesa në jetë, përfshirë vëzhgimin e zogjve. Ai mbante në raftin e tij të librave një kopje të librit ?Zogjtë e Indive Perëndimore?, shkruar nga ornitologu i njohur amerikan Xhejms Bond.

Më vonë Fleming e pranoi se ai ishte frymëzimi për emrin e protagonistit të tij të famshëm. Por përveç emrit, dy Bondët nuk kishin thuajse asgjë të përbashkët.

Pamja fizike e Xhejms Bondit të Flemingut u modelua kryesisht sipas vetes. Si Fleming ashtu edhe Bond kishin sy blu, flokë të errët dhe një ?gojë shumë të bukur?. Por siç e pranoi autori, personazhi i tij letrar ishte shumë më i mirë se ai.

I shkolluar në Eton, Fleming arriti gjatë luftës gradën e komandantit të përkohshëm në Rezervën Vullnetare të Marinës Mbretërore, ashtu siç bëri edhe Xhejms Bond. Flemingu ishte i apasionuar pas grave, makinave të shpejta dhe lojërave të fatit, dhe gjithsesi kishte një lloj ftohtësie apo rezervë të caktuar ndaj të tjerë; sërish tiparet përshkruara për Bondin.

Por Fleming dhe Bond ishin shumë të ndryshëm në shumë aspekte. Ndërsa autori e kaloi pjesën më të madhe të Luftës së Dytë Botërore pas një tavoline, personazhi i tij ishte një njeri i veprimit.

?Bond nuk është në fakt një hero, por një instrument i butë efikas dhe jo shumë tërheqës në duart e qeverisë. Ai kishte një grup cilësish të ndryshme, që unë vura re midis njerëzve të shërbimit sekret dhe komandove në luftën e fundit?- është shprehur më vonë Fleming.

Origjina e pjesës më të madhe të aventurave të Bond, mund të kërkohet tek takimet e Flemingut gjatë luftës me ushtarë të guximshëm dhe spiunë, përfshirë Guerilët e Njësisë Sulmuese Nr.30, komando që ai kishte ndihmuar të krijohej dhe që më pas e drejtoi.

Gjatë Luftës së Dytë Botërore, Fleming shërbeu si ndihmës i drejtorit të Inteligjencës Detare, admiralit Xhon Godfri. Roli i tij përfshinte krijimin e planeve të guximshme të mashtrimit, dhe kjo ishte puna e parë në të cilën ai shkëlqeu, pjesërisht pasi ishte në gjendje që ta përdorte shumë mirë imagjinatën e tij.

Gjatë karrierës së tij si oficer i inteligjencës, Fleming u njoh me një sërë personalitetesh të njohura, por sigurisht që askush nuk ishte më i çuditshëm se Alister Kroulej. Dhe ishte ky i fundit – sadomasokist, okultist dhe ?njeriu më i lig në botë? ? që mendohet se e ka frymëzuar Flemingun për të krijuar personazhin Le Chiffre, gjeniun e matematikës me syrin që i loton, që shfaqet në romanin e parë të Bond ?Casino Royale? (1953), dhe filmin e vitit 2006 me të njëjtin titull./Përshtati në shqip CNA.al