web counter
LEXO PA REKLAMA!

SHKARKO APP

App Store
Google Play

E fundit!

x

Ndërsa Ballkani po pret vaksinimin kundër Covid-19, rritet ndjeshëm lëvizja kundër tij

19 Dhjetor 2020, 08:18, Blog CNA

?AFP?

Ndërsa qeveritë e Ballkanit po përpiqen që të sigurojnë vaksinat kundër koronavirusit, një armik tjetër ka zënë pritë:një lëvizje në rritje kundër vaksinave, që po përpiqet të vendoset në qendër të vëmendjes. Në kushtet kur skeptikët ndaj vaksinave gjenden nga mjekët renegatë, deri tek politikanët dhe kampioni serb i tenisit Novak Xhokoviç, keq-informimi në lidhje me pandeminë e Covid-19është përhapur nëpër botë po aq shpejt sa vetë virusi në mediat sociale.

?Është e sigurt që serbët do ta refuzojnë atë gjë të keqe vdekjeprurëse?- shkroi një përdorues i Facebook në lidhje me goditjen e re Covid-19 në faqen e një kritiku të njohur të vaksinave.?E përse njerëzit e shëndetshëm kanë nevojë për një vaksinë??– pyeste një tjetër.

Me vendet më të varfra të Evropës, Ballkani do t`a ketë të vështirë të blejë doza të mjaftueshme për të mbuluar popullsinë. Por kundërshtimi i vaksinimit nga një pjesë e popullatës, do të jetë një sfidë shtesë, kjo pasi Ballkani Perëndimor është bërë një terren pjellor për lëvizjen ndërkombëtare kundër vaksinave.
Siç deklaroi presidenti i Maqedonisë së Veriut Stevo Pendarovski:?Ne nuk duhet të lejojmë që sharlatanët gjysmë të arsimuar të dominojnë mbi emrat dhe institucionet më të mëdha të shkencës, që kanë shpëtuar miliona jetë që kur në botë u shfaqën vaksinat e para?.

Shqetësimi i tij është me bazë. Në tetor, një studim rajonal zbuloi se më shumë se gjysma e të pyeturve në shumicën e vendeve nuk kishin në plan të vaksinoheshin, sipas Grupit Këshillues të Politikave të Ballkanit në Evropë (BiEPAG). Për krahasim, një sondazh i IPSOS po në tetor,zbuloi se më shumë se 60 për qind e njerëzve synonin të mos vaksinoheshin në vende si Spanja, Gjermania dhe SHBA-ja. Ndërkohë, Ballkani është edhe rajoni ku ka një besim të madh tek teoritë e konspiracionit mbi koronavirusin.

Për shembull, gjysma e të anketuarve besojnë se virusi është krijuar enkas nga qeveria kineze në një laborator, dhe se industria farmaceutike ndihmoi në përhapjen e tij. Rreth një e treta besonte se ka disa të vërteta tek teoritë që e lidhin Covid-19 me rrjetet 5G, zhvillimin ushtarak amerikan të bio-armëve, dhe qëllimin e Bill Gejsit për të pakësuar popullatën botërore. Në fakt Ballkani ka qenë prej kohësh një ?vatër keqinformimi?, për shkak të nivelit të ulët të besimit tek qeveria dhe institucionet e tjera, të molepsura nga korrupsioni dhe mungesa e transparencës. Në Serbi, lajmet e rreme mund të gjenden në faqet e para të tabloideve, të cilat shpesh deklarojnë se vendi është në pragun e luftës, një paralajmërim që nuk materializohet kurrë në realitet.
Teoritë mbi komplotet e armiqve të afërt dhe të largët të vendit, janë të shfrenuara në vendet ku politikanët kanë prirje t?ua hedhin ?armiqve? për problemet sociale dhe ekonomike, që e kanë përndjekur rajonin që nga luftërat e viteve 1990.

Lidhja e këtyre teorive me vaksinimin është shqetësuese, pasi studimet tregojnë se teoricienët e konspiracionit, kanë më pak të ngjarë të vaksinohen.?Pikëpamjet kundër vaksinave zhvillohen lehtësisht atje ku besimi i njerëzve ndaj autoritetit është i ulët?-thotë Zoran Radovanoviç, profesor i epidemiologjisë në Universitetin e Beogradit. Skepticizmi ndaj vaksinave, është rritur ndjeshëm gjatë 5 viteve të fundit, fillimisht kundër vaksinave MMR (fruthit, rrufës dhe rubeolës), të cilat lidhen në mënyrë të gabuar me sëmundjen e autizmit. Midis viteve 2015-2019, Serbia ishte një nga 6 vendet që raportuan një ?rritje të konsiderueshme? të të anketuarve që thoshin se vaksinat janë të pasigurta.

Dhe në vitin 2018, Serbia raportoi një rritje të madhe të rasteve të fruthit dhe vdekjeve nga kjo sëmundje, të cilat UNICEF ia atribuoi pleqve të pa vaksinuar dhe ?fëmijëve nën moshën 5-vjeç, që nuk u vaksinuan kryesisht për shkak të hezitimit të prindërve?. Dyshimet në rajon ushqehen edhe nga një grusht mjekësh mashtrues, disa prej të cilëve kanë grumbulluar dhjetëra mijëra ndjekës në mediat sociale.Postimet e tyre variojnë nga pseudoshkenca – siç janë përfitimet e ecjes zbathur për 15 minuta në ditë – tek artikujt mbi rreziqeve e pretenduara të vaksinave të reja kundër Covid-19.

Në Serbi, faqja në Twitter e politikanes dhe psikiatres mbështetëse të krahut të djathtë Jovana Stojkoviç, u mbyll për shkak të informacionit mashtrues që ajo kishte publikuar në lidhje me vaksinat. Në vitin 2017, një grup mjekësh ngritën akuza në gjykatë kundër Stojkoviç për ?shkaktim paniku?, për shkak të keq-informimeve në lidhje me vaksinat./Përshtatur nga CNA.al





Lajmet e fundit nga