E fundit!

10:57 Aktualitet

Rama i nxjerr “simpatizantes” së Iranit foton me kryeshërbëtorin famkeq të Ajatollahëve

Në protestat e zhvilluara prej më shumë se tri javësh në T...

Kur do t’i shohim efektet e vaksinës anti-Covid?

16 Dhjetor 2020, 07:50, Blog CNA

Ministri italian i Shëndetësisë Roberto Speranza e ka bërë të qartë:vaksinat kundër Sars-Cov-2 që në vendin fqinj duhet të nisin të shpërndahen në janarin e vitit të ardhshëm (gjithnjë duke supozuar se do të jepet autorizimi nga Agjencia Evropiane e Barnave, EMA),në fillim do të jenë në sasi simbolike.
Pritet që të gjitha shtetet evropiane të nisin në të njëjtën ditë fushatën e vaksinimit, të quajtur si ?Dita V?.Porsa shpejt do të jemi në gjendje të përfitojmë si popullsi, nga efekti mbrojtës i garantuar nga vaksina?
Sigurisht, çdo dozë e vetme e injektuar tek njerëzit përfaqëson një hap të vogël përpara, por midis vaksinimeve të para tek kategoritë më të rrezikuara, dhe arritjes së diçkaje të ngjashme me imunitetin e tufës (ose të paktën një reduktim i dukshëm i qarkullimit të virusit), do të duhet goxha punë.

Dita V, duket se do të jetë në pjesën e parë të janarit 2021. Dhe në rastin më të mirë, Italia do të mund të marrë në janar një total prej 1 milion e 874 mijë doza të vaksinës Pfizer-Biontech. Kjo paketë e parë, që do të mjaftojë për pak më pak se 1 milion njerëz (duke pasur parasysh se duhen 2 doza vaksine për secilin), do të destinohet për profesionistët e kujdesit shëndetësor dhe pacientët me Covid në spitale.
Ndaj është e qartë se gjatë fazës së parë, nuk do të jetë e mundur të shpresohet të frenohet vërtet qarkullimin e virusit, por vetëm të eleminohet një pjesë e vatrave epidemike,dhe të mbrohen ata që punojnë në institucionet shëndetësore.

Afati i ardhshëm në kalendar është fundi i marsit, ku Italisë i janë premtuar gjithsej mbi 10 milion doza: 8.75 milionë nga ajo e Pfizer-Biontech dhe 1.35 milionë nga Moderna. Një kuotë e mjaftueshme për të mbuluar pjesën e mbetur të punonjësve në sektorin e shëndetësisë, pacientët me forma të rënda të Covid, dhe një pjese të mirë të qytetarëve që janë nëtë 80-at e tyre. Por sërish kjo përbën vetëm 10 për qindtë popullsisë, dhe efektet e mbrojtjes do të mbeten të kufizuara. Kjo do të thotë se kurba e infektimit mund të ndikohet shumë pak, dhe masat e kontrollit do të mbeten të nevojshme ashtu si në vitin 2020.

Nga prilli e tutje, skenari është edhe më pak i qartë. Flitet për një total prej rreth 200 milion dozash që do të mbërrijnë gjatë vitit, në mënyrë që potencialisht të vaksinohen të gjithë nga 2 herë. Janë nënshkruar kontrata me AstraZeneca (40 milion doza), Johnson & Johnson (27 milionë), Sanofi (40 milionë), Pfizer-BioNTech (27 milionë), CureVac (30 milionë) dhe Moderna (11 milionë).
Prioritet duhet të jenë njerëzit midis moshës 60-79 vjeç (13.4 milion italianë), dhe ata me sëmundje të mëparshme serioze (7.4 milionë). Sipas parashikimeve të Presidentit të Këshillit të Lartë të Shëndetësisë, Franko Lokateli, gjithçka do të ndodhë midis pranverës dhe muajve të ngrohtë, pasi ?deri në fund të verës? vaksinat do të jenë në dispozicion për të gjithë banorët në Itali.

Bërja e parashikimeve të sakta nuk është e lehtë. Por nëse gjithçka shkon mirë, ne mund të arrijmë një nivel të mirë të shpërndarjes së vaksinave diku gjatë verës së ardhshme. Organizata Botërore e Shëndetësisë, ka vlerësuar se qarkullimi i virusit mund të ndalet në mënyrë të konsiderueshme dhe të kënaqshme nëse vaksinohet 65-75 për qind e popullsisë. Qendra Evropiane për Parandalimin dhe Kontrollin e Sëmundjeve (ECDC) jep shifrën 67 për qind si pikë referimi, dhe në Gjermani Angela Merkel ka njoftuar publikisht se synimi është të vaksinohet 60-70 për qind e popullsisë. Një përqindje goxha e lartë, pra për 40 milion italianë.

Por përveç të gjithë personave që nuk mund të vaksinohen, dhe atyre që nuk duan për arsye të ndryshme, ekziston një problem i rëndësishëm që ka të bëjë me fëmijët dhe të miturit në përgjithësi. Vetëm në Itali, janë gati 10 milionë fëmijë dhe të rinj(16 për qind e popullsisë), dhe për sa kohë që vaksinat nuk janë të autorizuara për këtë grupmoshë, mbulimi maksimal që mund të arrihet është 84 për qind .

Por edhe nëse arrihet një vaksinim në masën 50-60 për qind të popullsisë, vaksina do t’i jepte një goditje të madhe pandemisë. Në këtë mënyrë, ne do të ishim shumë më të përgatitur për sezonin e dimrit 2021-2022 .Sidoqoftë, midis një vaksine efektive të shpërndarë mirë dhe fundit të pandemisë, ka disa pengesa.
Problemi më pak i rëndësishëm duket të jetë kohëzgjatja e mbrojtjes që garanton vaksina. Edhe sikur të ishte vetëm disa muaj, ajo do të ishte e mjaftueshme për të rivaksinuar njerëzit në mënyrë periodike. Dhe nëse ritmi i vaksinimit nuk rritet aq shumësa të vendosë në krizë sistemin e prodhimit, situata do të ishte më se e menaxhueshme.

Sidoqoftë, pyetja më serioze ka të bëjë me atë se sa na mbron realisht vaksina. Pra nëse ajo është efektive vetëm në shmangien e zhvillimit të formave të rënda ose simptomatike të Covid-19, apo është gjithashtu në gjendje të parandalojë transmetimin e virusit Sars-Cov-2nga personi në person.

Për më tepër, nuk është ende e qartë nëse ata që e kanë kapërcyer sëmundjen duhet të vaksinohen ose jo, dhe me çfarë strategjie. Ndër çështje të tjera të rëndësishme është efikasiteti aktual i vaksinave, të cilat në një mostër prej dhjetëra miliona individësh të vaksinuar, mund të kenë një vlerë të ndryshme nga 90 -95 për qind gjatë testeve eksperimentale./Përshtatur nga CNA.al

Burimi: https://www.wired.it/scienza/medicina/2020/12/15/effetti-vaccino-covid-19-popolazione/