web counter
LEXO PA REKLAMA!

SHKARKO APP

App Store
Google Play

E fundit!

x

A do e parandalojnë vaksinat transmetimin e Covid-19?

11 Dhjetor 2020, 07:24, Blog CNA

Me dy vaksina anti-Covid gati për të marrë miratimin e autoriteteve deri në fund të këtij viti, SHBA po përgatitet të vaksinojë punonjësit e spitaleve dhe më të prekshmit nga koronavirusi. Por ndërsa është zbuluar se vaksina u jep imunitet atyre që e marrin atë, nuk është ende e qartë nëse ajo e parandalon transmetimin virusit nga një i sëmurë tek të tjerët.

Studiuesit janë në garë për t?i dhënë përgjigje pyetjes nëse ata që do të vaksinohen do jenë gjithashtu të paaftë për t`a përhapur Covid-19. Jo të gjitha vaksinat e ndalojnë sëmundjen po ashtu edhe përhapjen e saj. Disa nga vaksinat për sëmundjet e frymëmarrjes stimulojnë reagimin imunitar të trupit, por nga ana tjetër lejojnë që virusi të mbetet në sistemin e frymëmarrjes, duke e lehtësuar kësisoj transmetimin.
Sidomos një antitrup që ekziston në mukus dhe pështymë, mund të mos aktivizohet edhe pasi antitrupat e transmetuar nga gjaku të parandalojnë në mënyrë efektive sëmundjen.?

Tek sëmundjet e rrugëve të frymëmarrjes, transmetimi varet nga ajo që keni në hundë dhe në faring?– thotë dr.Litjen Tan, zyrtari kryesor i strategjisë në Koalicionin e Veprimit të Imunizimit.

?Ju mund të jeni vërtetë asimptomatik, por po e përhapni virusin?- thekson ai. Për shkak se kaq shumë pak njerëz janë vaksinuar deri më tani, nuk ka ende të dhëna për të matur se sa efektive janë vaksinat e Pfizer dhe Moderna-s në frenimin e përhapjes.

Më shumë informacion mbi këtë çështje, mund të zbulojë shkallën në të cilën vaksinat parandalojnë përhapjen, dhe studime të mëtejshme mund të zbulojnë se sa shpejt pas marrjes së dozës së dyfishtë të vaksinës,njerëzit do të jenë të paaftë për t`a përhapur virusin.

?Nuk është e qartë nëse këto vaksina e parandalojnë vërtet transmetimin?-thotë Xhosh Misho, epidemiolog në Kaiser Family Foundations.

?Ne e dimë që ato janë efektive në parandalimin e sëmundjeve. Por nuk është testuar nëse një person i vaksinua,mund të infektojë apo jo të tjerët?– shton ai.

Përgjigja ndaj pyetjes, nëse vaksina do të parandalojë vetëm formën më të rëndë të sëmundjes, ose nëse do të frenojë sëmundjen dhe transmetimin, mund të krijojë një ide se si do të jetë bota vitin e ardhshëm.
Një vaksinë që është efektive në frenimin e transmetimit, mund të sjellë një fund të hershëm të virusit, ndërsa një vaksinë që ndalon vetëm simptomat e rënda, por pa parandaluar përhapjen, mund të sjellë një situatë në të cilën rastet e infektimit do të vazhdojnë të rriten, edhe kur shkalla e vdekjeve të bjerë për shkak se më të prekshmit do të vaksinohen të parët.

Do të ishte ?e pazakontë? por jo e padëgjuar, që një vaksinë të lejojë përhapjen e mëtejshme të virusit nga i cili mbron, thotë Dr.Uilliam Shafner, imunolog dhe profesor i mjekësisë parandaluese në Universitetin Vanderbilt.

Për shembull,është zbuluar se vaksina meningokoksike, ilejon njerëzit të vazhdojnë t`a mbajnë dhe përhapin atë sëmundje edhe kur janë të imunizuar. Moderna tha këtë javë, se pas 3 javësh mund të japë një përgjigje konkrete nëlidhje me sa efektive është vaksina e saj në ndalimin e transmetimit.
Shafner tha se të dhënat e publikura nga FDA-ja amerikane, sugjerojnë se vaksina e Pfizer kishte të ngjarë të ishte disi efektive në kufizimin e përhapjes. Studiuesit me gjasë do të shohin efektet e përdorimit të hershëm të vaksinave tek popullata, për të parë nëse ka ndonjë ndryshim në transmetim.

Edhe testet e gjakut mund të përcaktojnë gjithashtu, në një shkallë të vogël, nëse njerëzit që janë vaksinuar janë infektuar më pas nga virusi.

Litjen Tan sugjeron që do të duhet të vaksinohen midis 65-75 për qind e popullsisë, apo të kenë fituar imunitet përmes ekspozimit ndaj Covid-19 për të shmangur shpërthimet e mëtejshme epidemike, gjithnjë duke supozuar se vaksinat sigurojnë një mbrojtje afatgjatë nga sëmundja, dhe e eliminojnë plotësisht potencialin për përhapje./Përshtatur nga CNA.al

Burimi: https://talkingpointsmemo.com/news/we-still-need-an-answer-to-a-critical-question-do-covid-vaccines-prevent-transmission





Lajmet e fundit nga