E fundit!

10:57 Aktualitet

Rama i nxjerr “simpatizantes” së Iranit foton me kryeshërbëtorin famkeq të Ajatollahëve

Në protestat e zhvilluara prej më shumë se tri javësh në T...

Covid-19/ Kur jeni më infektivë për të tjerët?

9 Dhjetor 2020, 07:27, Blog CNA

Veprimi më i mençur që mund të bëni në rast se ju shfaqen simptomat që lidhen me Covid-19, është të izoloheni menjëherë nga të gjithë, dhe t?u thoni kontakteve të ngushta të ditëve
të fundit që të bëjnë të njëjtën gjë.

Se përse kjo është një strategji efektive e kontrollit të virusit, shpjegohet nga një studim i botuar në revistën ?Lancet Microbe?, që u përpoq të përcaktonte se kur është më infektiv një individ i diagnostikuar pozitiv me Covid-19.

Në rishikimin e tyre sistematik të dhjetëra studimeve mbi koronavirusin, dhe një grupi të vogël kërkimesh mbi SARS dhe MERS, studiuesit në Shkollën e Mjekësisë të Universitetit të Shën Endrju në Skoci, u fokusuan në veçanti mbi 3 parametra:ngarkesa virale, pra sasia e virusit të pranishëm në trup, dhe variacionet e tij gjatë rrjedhës së sëmundjes; çlirimi ose derdhja virale, pra largimi i grimcave virale jashtë trupit kur flisni, kolliteni, teshtini apo merrni frymë, gjë që jo domosdoshmërisht barazohet me infektivitetin; dhe së treti praninë e një virusit të gjallë në mostrat e testuara, një tregues i mirë ky i infektivitetit të një pacienti pikërisht në momentin e testimit.

Edhe tek pacientët me simptoma të lehta, ngarkesa virale arrin kulmin shumë herët në fyt dhe hundë (vendet ku rri zakonisht koronavirusi SARS-CoV-2 dhe ku bëhet tamponi). Sasia e virusit në trup, ishte më e larta ndërmjet ditës së parë dhe të pestë të shfaqjes së simptomave. Gjurmët gjenetike të virusit në fyt apo feçe, kanë prirjen që të zbulohen për javë të tëra. Por ky proces është normal, dhe s?ka asnjë lidhje me infektivitetin. Në fakt, nuk ka praktikisht asnjë gjurmë të virusit të gjallë në mostrat e marra pas ditës së nëntë, që nga shfaqja e simptomave.

Pra, edhe nëse disa njerëz që janë prekur nga një formë e rëndë së sëmundjes, apo që kanë një sistem imunitar tashmë të dobët, mund të kenë gjurmë gjenetike të virusit për javë të tëra, pas javës së dytë ata vështirë se do të jenë fragmente virale infektivë për të tjerët.

Sikurse konfirmohet nga disa studime të gjurmimit të kontaktit, infektiviteti maksimal ndodh në ditët pak para shfaqjes së simptomave dhe në 5 ditët në vijim. Ngarkesa virale e SARS, sindromës së rëndë akute të frymëmarrjes, e shkaktuar nga virusi SARS-CoV, arrin kulmin midis ditës së 10-të dhe e 14-të që nga koha e fillimit të simptomave.

Ajo e MERS, ndërmjet ditës së 7 dhe të 10. Në atë moment, pacienti tashmë është shtruar në spital ose i izoluar. Është kjo arsyeja pse këto dy sëmundje të tjera serioze të shkaktuara sërish nga koronaviruset, janë më të lehta për t?u trajtuar sesa Covid-19, që është shumë më infektiv kur rastet pozitive, nuk e dinë ende që janë të tillë, apo nuk e kanë bërë ende tamponin.

Në shumë raste, kur merrni rezultatin e analizës, jeni jashtë periudhës së infektivitetit maksimal. Prandaj është një ide shumë e mirë që të izoloheni, edhe para se t?i nënshtroheni testit, dhe në çdo rast para se të merrni një përgjigje./Përshtatur nga CNA.al

Burimi: https://www.focus.it/scienza/salute/covid-19-quando-si-e-piu-infettivi