E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Pandemia e koronavirusit, një mashtrim global i Kinës, i nxitur nga të fuqishmit

4 Dhjetor 2020, 08:10, Blog CNA

Nga Tucker Carlson ?Fox News?

Kohët e fundit keni dëgjuar shumë për ?mashtrimet zgjedhore?. Por tani po vijnë lajme më të thelluara, mbi një mashtrim global që filloi shumë para Ditës së Zgjedhjeve, dhe që ka shkatërruar miliona jetë, ka vrarë qindra mijëra, dhe ka ndikuar rrënjësisht në rezultatin e zgjedhjeve tona presidenciale.

Por flasim sigurisht për pandeminë e koronavirusit. Thënë thjesht, na kanë gënjyer. Të dhënat e fundit vijnë nga mostrat e mbledhura nga Kryqi i Kuq vitin e kaluar, të analizuara nga Qendrat për Kontrollin dhe Parandalimin e Sëmundjeve (CDC). Studiuesit testuan 39 mostra gjaku nga Kalifornia, Uashington dhe Oregoni, që u mblodhën midis 13-16 dhjetorit 2019. Në atë kohë, askush në Shtetet e Bashkuara nuk kishte dëgjuar për Covid-19. Qeveria kineze as që e pranoi ekzistencën e saj deri më 31 dhjetor.

E megjithatë, secila prej atyre mostrave rezultoi pozitive ndaj antitrupave që shkakton koronavirusi. Mos harroni se antitrupat zhvillohen të paktën një javë pas ekspozimit ndaj virusit. Kjo do të thotë që koronavirusi po transmetohej tek gjithë popullsia amerikane shumë më herët, ndoshta muaj më parë, sesa na u tha zyrtarisht. Nuk e dimë ende se si ndodhi kjo gjë, por e dimë me siguri që ndodhi. CDC ka gjetur dhjetëra shembuj pozitivë nga testet e gjakut të marra në fillim të dhjetorit në shumë pjesë të tjera të vendit, në Miçigan, Ajoua dhe Masaçusets. Analiza e testeve në vendet e tjera, ka treguar përhapje edhe më të hershme. Shkencëtarët tani e dinë se koronavirusi u përhap në Itali që nga shtatori i vitit të shkuar,dhe në Amerikën e Jugut 2 muaj më vonë, në nëntor.
Pra ajo që na është thënë prej gati 1 viti në lidhje me origjinën e koronavirusit, nuk është e vërtetë. Po përse po e mësojmë këtë gjë tani, një muaj pas zgjedhjeve presidenciale? Sepse askujt nuk i interesonte më parë. Zyrtarët tanë të zgjedhur, ishin shumë të zënë duke shijuar fuqinë e tyre të sapo gjetur.
Ata po mbyllnin bizneset e vogla, dhe po arrestonin njerëzit që dilnin në rrugë pa maska.

Tani ata po pretendojnë se pandemia i kapi plotësisht në befasi. E kush e ka këtë justifikim? Ata po i largohen çdo përgjegjësie, pasi institucionet tona të shëndetit publik u kanë dhënë gjithnjë të drejtë gjatë gjithë vitit.Kina ka qenë e pandershme në lidhje me virusin. Zyrtarët e Pekinit po pretendojnë tani se virusi erdhi në vendin e tyre nga diku tjetër, se ai mbërriti përmes ushqimit të ngrirë, apo ndoshta si një armë biologjike e prodhuar nga ushtria amerikane. Dhe këto gjëra nuk po i thonë në fshehtësi.

Ron Klein, zgjedhja e Xho Bajden si shef i kabinetit në Shtëpinë e Bardhë, deklaroi më 27 janar se Kina ka qenë ?më transparente dhe më e sinqertë se sa ka qenë gjatë epidemive të kaluara?. Pse e mendoi kështu Klein? Ndoshta sepse kështu u udhëzua nga Organizata Botërore e Shëndetësisë.
Më 8 janar, OBSH,e financuar sigurisht nga qeveria kineze, publikoi një deklaratë të ngjashme. Disa javë më parë, ?Tucker Carlson Tonight? intervistoi virologen kineze, dr.Li-Meng Yan, që u arratis nga vendi i saj. Ajo tha këtë mesazh:?Virusi erdhi nga një laborator qeveritar në Kinë?.

Ajo tha se e dinte se po të qëndronte në vendin e saj, do të ishte ndëshkuar, dhe ndoshta vrarë për shkak të kësaj deklarate. Ndaj ajo erdhi në SHBA, në tokën e njerëzve të lirë. Dhe çfarë gjeti këtu? Zbuloi që fjalët e saj ishin censuruar nga kompanitë amerikane të teknologjisë, që punojnë së bashku me tiranët prej të cilëve ajo u arratis. Dokumentet e brendshme, provojnë tani se zyrtarët kinezë, e dinin se po përballeshin me një pandemi të koronavirusit, diçka që nuk e kishin parë kurrë më parë. Por ata ia fshehën këtë informacion botës, dhe i arrestuan ata që u përpoqën të thoshin të vërtetën.

Miliona njerëz vazhduan të udhëtonin drejt Vuhanit në Kinën qendrore, epiqendra e pandemisë. Pastaj më shumë se 1 milion qytetarë kinezë udhëtuan drejt Shteteve të Bashkuara. Vetëm më 20 janar 2020, presidenti kinez Xi Jinping, e pranojmë në fund se virusi mund të ishte ngjitës. Në rastin më të mirë, kjo neglizhencë është kriminale. Në rastin më të keq, është një vrasje masive. Por OBSH e mohoi këtë gjë. Sipas saj, kishte prova se Partia Komuniste Kineze po bënte një punë të jashtëzakonshme në menaxhimin e pandemisë. Por nuk është kjo e gjithë historia. Ne e dimë aq sa dimë. Dhe nuk jemi as afër asaj që ka ndodhur në të vërtetë. Ne duhet ta zbulojmë atë./Përshtatur nga CNA.al

Burimi: https://www.foxnews.com/opinion/tucker-carlson-on-chinas-global-fraud-coronavirus