web counter
LEXO PA REKLAMA!

SHKARKO APP

App Store
Google Play

E fundit!

x

Krishtlindjet në epokën e Covid-19/ Kufizimi i kontakteve sociale, shumë më i vështirë gjatë sezonit festiv

21 Dhjetor 2020, 07:50, Blog CNA

?The Economist?

Pas Britanisë së Madhe, vaksinat e para të koronavirusit kanë marrë autorizimin e përdorimit emergjent në SHBA, dhe duke nisur nga kjo javë edhe ne Bashkimin Evropian. Kjo ka çelur një fazë të re në betejën kundër Covid-19.
Zbulimi i vaksinave që duken efektive në mbrojtjen ndaj Covid-19, ka rritur shpresat se shoqëritë do të jenë në gjendje të rikthehen së shpejti në normalitet. Pasi të jetë imunizuar një pjesë e mjaftueshme e popullsisë, do të ketë më pak nevojë për kufizime që parandalojnë grumbullimet e mëdha, festat dhe të gjitha gjërat që u ndalën në mars.

Fatkeqësisht, një rritje tjetër e rasteve me Covid-19 në SHBA dhe Evropë, po tregon se sa shumë larg janë ende vendet nga normaliteti. Javët e ardhshme – normalisht më të ngarkuarat për shërbimin shëndetësor dhe shpenzimet sociale – do të jenë jetike në parandalimin e një përshpejtimi të mëtejshëm të rasteve që mund të mbingarkojnë spitalet. Situatë aktuale nënvizon nevojën për përmbajtje dhe vigjilencë të vazhdueshme gjatë muajit janar, kur shumë njerëz më shumë preferojnë të festojnë, sesa të ruajnë diatancën sociale. Numri i rasteve të reja, është rritur shumë pavarësisht rivendosjes së kufizimeve pas verës.

Por kjo, nga ana tjetër ka thithur shumë nga kapaciteti i sistemeve të kujdesit shëndetësor për të trajtuar dhe mbrojtur popullatat. Qeveritë nuk kanë zgjidhje tjetër përveçse të vendosin sërish kufizime më të ashpra. Suedia, vendi që është përpjekur gjatë gjithë pandemisë t?i lërë qytetarët e saj sa më shumë të lirë, ka marrë oferta mbështetje nga fqinjët e saj nordikë për të ndihmuar spitalet e saj të tej-populluara me të sëmurë.
Rritje e shpejtë e rasteve të reja,është e përhapur në të gjitha ekonomitë e zhvilluara. Gjermania, që në përgjithësi e shmangu më të keqen e valës së parë krahasuar me fqinjët e saj, ka hyrë në një bllokim të rreptë që nga e mërkura e kaluar.

Masat përfshijnë mbylljen e shkollave dhe dyqaneve. Franca është duke zbatuar një orë policore që nis tashmë në orën 20:00, përfshirë natën e Vitit të Ri. Italia po mendon të zgjerojë orarin e ndalimin të qarkullimit dhe të udhëtimeve jo të domosdoshme. Belgjika ka zgjatur masat e saj kufizuese gjatë pushimeve, dhe do t?i lejojë familjet të ftojnë për festa vetëm një mik të rritur. Nga e mërkura, kryeqyteti anglez Londra do të jetë nën masat më të rrepta kufizuese në vend.
Kjo gjë është për të ardhur keq, dhe vështirësohet nga fakti se po ndodh pak ditë para periudhës së pushimeve, kur familjet dëshirojnë të jenë bashkë. Dhe ato mund të injorojnë çdo lloj udhëzimi nga qeveria britanike, që po përpiqet të anulojë festimet e Krishtlindjeve.

Dëshira për t?u çlodhur apo për të hequr dorë nga masat kufizuese është e kuptueshme. Lufta kundër koronavirusit ka përfshirë një sakrificë të madhe dhe izolim, dhe të gjitha këto kanë bërë që njerëzit t`i dëshirojnë fort festimet e zakonshme mes familjarëve dhe miqve. Por është pikërisht kjo dëshirë për kontakt njerëzor, nga e cila përfitojnë viruset. Covid-19 u shfaq pak para Vitit të Ri Hënor në Kinë. Kufizimet që vendosi qeveria kineze kundër lëvizjes jashtë provincës Hubei, ku mendohet t`a ketë origjinën virusi, ndihmuan ndoshta në reduktimin e përhapjes. Në SHBA, festimet dhe udhëtimet me rastin e Ditës së Falënderimeve, çuan në një rritje të madhe të infeksioneve. Vendi përjetoi javën e shkuar, javën e tij më vdekjeprurëse të pandemisë.

Javët e ardhshme, kur qytetarët në shumë vende do të privohen nga kënaqësitë normale të sezonit të festave, përveç sakrificave të bëra tashmë gjatë gjithë vitit, do të jenë nga javët më të vështirat e pandemisë. Megjithatë, fillimi i programeve të vaksinimit nënkupton se viti i
ri do të sjellë shpresë për fillimin e fundit të saj./Përshtatur nga CNA.al

Burimi: https://www.ft.com/content/a8ead1c6-c0f8-4da8-9159-4ea5c894f6e6





Lajmet e fundit nga