Mikroçipa? - Jo! - Ja lista e plotë e përbërësve në vaksinat kundër Covid-19

23 Dhjetor 2020, 08:04, Blog CNA

Për muaj me radhë, teoricienët e konspiracionit dhe kundërshtarët e vaksinave,kanë përhapur dezinformacione në lidhje me vaksinat e koronavirusit. Një nga pretendimet e rreme më të përhapura, është se themeluesi dhe filantropi i ?Microsoft?, Bill Gejts po planifikon t`a përdorë vaksinën për t?u implantuar njerëzve mikroçipa që do të gjurmojnë në çdo moment vendndodhjen e tyre.

Kjo nuk është e vërtetë. Gejts reagoi vetë në lidhje me teoritë konspirative në qershor, duke u thënë gazetarëve se pretendimi ishte sa i çuditshëm aq edhe për të qeshur. ?Është e vështirë të merresh me përgënjeshtrimin e gjërave të tilla, pasi janë kaq idiote dhe të çuditshme saqë edhe t?i përsërisësh duket sikur u jep besueshmëri?- tha Gejt, duke njoftuar dhënien e 1.6 miliardë dollarëve për vaksinimin e vendeve të varfra.

Por keq-informimi në lidhje me vaksinën nuk është një çështje qesharake. Që jeta të kthehet në normalitetin e para Covid-19, eksperti i sëmundjeve infektive dr.Entoni Fauçi thotë se duhet të vaksinohen75 deri 85 për qind e amerikanëve.

Teoritë e konspiracionit në lidhje me vaksinën, përbëjnë një kërcënim për besimin e publikut tek vaksinat, që është jetik për arritjen e këtij pragu. Pretendimet se vaksina përmban një mikroçip që mund të gjurmojë vendndodhjet e njerëzve,apo të identifikojë se kush është vaksinuar janë false, dhe bazohen në informacione të gabuara.

Miti i mikroçipit, mund të ketë ardhur nga një ide për paketimin e shiringave inteligjente. Videot që përmbajnë pamje të ndryshuara ose jashtë kontekstit, dhe intervista të ndryshme janë shpërndarë gjerësisht në mediat sociale, duke e ushqyer shumë teorinë konspirative të mikroçipit.
Një video e veçantë, e cila është shpërndarë më shumë se 40.000 herë, dhe që është ripostuar më15 nëntor, mund të hedhë dritë mbi origjinën e mitit. Video përfshin fragmente të një interviste të CBN News me Xhej Uoker, kreunekzekutiv të prodhuesit të shiringave ?Apiject?, në të cilën ai flet për një etiketë opsionale për vaksinën, të ngjashme me barkodin.

Në intervistën origjinale, është e qartë se kjo etiketë do të ishte fakultative, dhe çipi RFID do të ngjitet në pjesën e jashtme të shiringës, dhe jo të injektohet bashkë me përmbajtjen e tij. Çipi u krijua për të dalluar vaksinën e vërtetë nga dozat e falsifikuara ose të skaduar.
Stiv Hofman, një zëdhënës i ?Apiject?, tha për agjencinë Reuters se etiketa speciale nuk është kërkuar deri më tani nga prodhuesit e vaksinave. Ndërkohë kompania Pfizer ka dalë në publik me një listë të përbërësve që gjenden vërtet në vaksinën e saj, dhe mes tyre nuk ka asnjë mikroçip.

Kjo është lista e plotë e përbërësve në vaksinën e Pfizer:

Një ARN-i mesazheve e modifikuar nukleozide (modRNA), që e kodifikon glikoproteinën e SARS-CoV-2

Lipidet, ose substancat yndyrore, duke përfshirë:

(4-hidroksibutil) azanedil) bis (heksan-6,1-diil) bis (2-heksildekanoat),
2 – [(glukol polietileni) -2000] -N, N-ditetradecilacetamid,
1.2-distearoyl-snglicero-3-fosfokolina,dhe kolesterolin

Klorur kaliumi
Fosfat kaliumi monobazik

Klorur natriumi (kripë)

Dihidrat fosfat natriumi dibazik

Saharozë (sheqer)

Çfarë ka në vaksinën kundër koronavirusit të Moderna-s:

Acid ribonukleik i Messenger (mARN)

Lipidet, ose substancat yndyrore, duke përfshirë:

SM (sfingomielina) -102
Glycol polietileni [PEG] 2000 glycerol dimyristoyl [DMG],
1.2-distearoyl-sn-glicero-3-fosfokolina [DSPC],dhe kolesteroli

Trometamina

Hidroklorur trometamine

Acid acetik

Acetat natriumi