web counter
LEXO PA REKLAMA!

SHKARKO APP

App Store
Google Play

E fundit!

x

Sa i rrezikshëm është varianti anglez i koronavirusit?

22 Dhjetor 2020, 07:32, Blog CNA

Në fillim u njoftua, pastaj u mohua, dhe tani u konfirmua edhe nga ECDC. Varianti anglez i koronavirusit ekziston, dhe po përhapet me shumë shpejtësi. Sipas autoriteteve britanike, ai mbart disa mutacione shqetësuese,pasi ato mund të kenë rritur aftësinë e përhapjes së virusit, sipas ekspertëve me mbi 70 për qind ose më shumë. Por shkencëtarët bëjnë thirrje të ruhet qetësia. Sipas tyre nevojiten të dhëna më të plota, për të thënë me siguri se përhapja më e madhe e Covid-19 nuk është thjesht rezultat i rastësisë.

Kombinim mutacionesh

Varianti anglez i Sars-Cov-2,duket e ndryshon me 17 për qindtë gjenomës nga koronavirusi origjinal iVuhan. Mutacionet kanë ndodhur përgjatë muajve, duke shkaktuar një kombinim të ri. B.1.1.7, siç u quajt mutacioni nga ekspertët që e zbuluan, që do të çonte në disa mutacione në rajonin e gjenomit që e kodifikon proteinën e jashtme të virusit, atë që e lejon koronavirusin të lidhet dhe të depërtojë në qelizat e njeriut. Një variant i ngjashëm – për të cilin ekspertët thonë tani se është shfaqur veçmas në pemën filogjenetike të virusit – po përhapet po aq shpejt në Afrikën e Jugut. Disa nga mutacionet e variantit B.1.1.7 janë vënë nën një vëzhgim të thelluar nga ekspertët. Vëmendja më e madhe është tek mutacioni N501Y dhe ai kromozomik 69-70, që të dyja në proteinën e jashtme të virusit.

A është më i transmetueshëm?

Bazuar në simulimet dhe modelet e kafshëve, mutacioni N501Y mund t?i ketë dhënë Sars-Cov-2 një aftësi më të mirë për t?u transmetuar nga personi në person, duke e rritur afinitetin e tij për receptorët njerëzorë ACE-2. Në fakt, varianti B.1.1.7 duket se po përhapet shumë shpejt në Britaninë e Madhe, dhe sipas autoriteteve transmetueshmëria e virusit është rritur deri në 70 për qind.
Kjo është dhe arsyeja se përse qeveria britanike, ka vendosur masa shumë të rrepta për të kontrolluar pandeminë. Vendet e tjera evropiane i kanë kufizuar tashmë lidhjet me Britaninë, me synimin për të frenuar udhëtimet (dhe virusin) gjatë periudhës së pushimeve, dhe për të vendosur protokolle të reja udhëtimi për njerëzit që vijnë nga  rajonet që kanë më shumë raste të reja me Covid-19.

Në çdo rast, duket se ky variant ka dalë tashmë nga Britania, pasi janë regjistruar raste të tjera në Danimarkë, Holandë dhe Belgjikë. Gjithashtu, edhe tek një çift italianësh të kthyer nga Londra. E megjithatë, ky varianti mund të jetë tashmë shumë më i përhapur sesa mendohet. Gjithsesi,ekspertët thonë se nuk ka ende të dhëna të plota për rritjen e transmetueshmërisë. Ata kujtojnë se edhe alarmi për variantin spanjoll të Covid-19rezultoi i ekzagjeruar, dhe se përhapja më e madhe e koronavirusit mund të jetë për shkak të rastësisë, e nxitur edhe nga disa rrethanave të favorshme, por që s?kanë të bëjë me gjenetikën e patogjenit.

?Ka shumë të panjohura??- tha për ?Science Magazine?Kristian Drosten, virolog në Spitalin Universitar Charité në Berlin. Ai thekson gjithashtu se varianti anglez ka një mutacion në gjenin Orf8, që nga disa studime të mëparshme ka qenë i lidhur me një zvogëlim të aftësisë për t?u përhapur.

A i reziston vaksinave?

Mutacioni kromozomik69-70 (që është shfaqur tashmë në Tajlandë dhe në Gjermani që në fillim të vitit 2020, dhe u vendos në Danimarkë e më pas në Angli në verë) mund të ndikojë për një ndjeshmëri më të ulët të antitrupave. A ka gjasa që varianti i ri të shmangë imunitetin e shkaktuar nga vaksinat që ekzistojnë sot? Për momentin,nuk ka ende të dhëna të mjaftueshme për t?iu përgjigjur kësaj pyetjeje. Por ekspertët kanë besim, se gjasat që kjo të ndodhë janë të ulëta.
Viruseve të tjera që kanë ndryshuar shpejt, dhe që i njohim prej shumë kohësh (ato të së ftohurës së zakonshme dhe gripit), u duhen vite që të grumbullojnë mutacione të mjaftueshme për t?i bërë të padobishme vaksinat.

Vaksinat anti-Covid, duket se deri më tani kanë zhvilluar një përgjigje të fortë imunitare. Përveç kësaj, njerëzit e shëndetshëm kanë një sistem imunitar të aftë që të përdorë forma të tjera të mbrojtjes,që variantet aktuale të Sars-Cov-2 do t?i kenë të vështira t?i shmangin. Së fundmi, platformat për prodhimin e vaksinave, në veçanti ato me ARN, janë më fleksibile dhe në gjendje që të gjurmojnë çdo lloj mutacioni që pëson virusi, duke e ndryshuar përgjigjen sipas rrethanave./Përshtatur nga CNA.al

Burimi: https://www.wired.it/scienza/medicina/2020/12/21/coronavirus-variante-inglese-pericolosa/





Lajmet e fundit nga