E fundit!

17:34 Politikë

Rama pret në takim Presidentin e Lituanisë/ Zbardhen diskutimet

Kryeministri Edi Rama ka pritur ditën e sotme në një takim...

Si është infiltruar Kina në SHBA

29 Dhjetor 2020, 07:54, Blog CNA

Nga Steve Postal ?American Spectator?

Shumë politikanë kanë dhënë alarmimin në lidhje me depërtimin e Partisë Komuniste Kineze në Shtetet e Bashkuara. Drejtori i Inteligjencës Kombëtare Xhon Retklif, në një shkrim të botuar së fundmi në ?The Wall Street Journal?, deklaroi se?Republika Popullore e Kinës, përbën kërcënimin më të madh për Amerikën sot, dhe kërcënimin më të madh për demokracinë dhe lirinë në të gjithë botën, që nga Lufta e Dytë Botërore?.
Në një intervistë të fundit për ?Newsmax?, Sekretari i Shtetit Majk Pompeo e quajti Partinë Komuniste Kineze (PKK) ?kërcënimin më të madh për sigurinë e popullit amerikan, dhe në fakt të botës së lirë?. Republikanët në Komisionin e Dhomës për Mbikëqyrjen dhe Reformën, i kanë dërguar një letër drejtorit të FBI-së Kristofer Urej, duke i kërkuar që të hetojë ?përdorimin e spiunëve apo agjentëve të fshehtë të Kinës, për t?u infiltruar në institucionet më të famshme arsimore dhe qeveritare të Amerikës?.
Por sa i thellë është depërtimi i PKK në vendin tonë? Shumë i madh. Por ekzistojnë disa mënyra, dhe ka ende shpresë nëse i përkushtohemi luftës kundër këtij depërtimi. Së pari,është ndërhyrja në klasën tonë sunduese. Republikanët në Kongres i kanë kërkuar kryetares Nensi Pelozi që të shkarkojë kongresmenin Erik Suolluell.
Letra akuzon Suolluell për fshehjen e informacionit nga Komiteti i Inteligjencës së Dhomës, në lidhje me ?një operacion spiunazhi kinez të vazhdueshëm, që synonte atë dhe kolegët e tij?. Ajo pason një raport nga ?Axios?, që thoshte se një spiun kinez, dyshohet se kishte marrëdhënie seksuale me të paktën dy nga kryetarët e bashkive në shtetet qendrore në SHBA,dhe disa politikanë të tjerë në San Françisko.

Së dyti, pre e këtij infiltrimi janë ambasadat amerikane. Një bazë të dhënash të rrjedhura prej 1.95 milionë anëtarësh të PKK, zbuloi se të paktën 10 konsullata në Shangai, përfshirë 3 punonjës të konsullatës amerikane, një zyrtar të lartë në konsullatën britanike, dhe të paktën një punonjës të konsullatës australiane janë të infiltruar.

Së treti, janë aparaturat mbrojtëse. Partia Komuniste Kineze ka depërtuar në mbrojtjen tonë. Anëtarët e PKK po punojnë në zinxhirët tanë të furnizimit të mbrojtjes. Sipas bazës së të dhënave,516 anëtarë të PKK punojnë në kompanitë?Qualcomm?apo ?Boeing?, dhe dhjetëra anëtarëve të tjerë, në kompanitë ?Airbus?, ?Rolls-Royce? dhe ?Thales?.
Për më tepër, Departamenti i Drejtësisë ka ndjekur penalisht disa shtetas kinezë të lidhur
me PKK,me akuzën e minimit të mbrojtjes së SHBA. Në nëntor, një shtetas kinez i natyralizuar si amerikan, ish-inxhinier në ?Raytheon? u dënua me 38 muaj burg për eksportin në Kinë të teknologjisë amerikane të mbrojtjes.
Në shtator, një shtetas kinez u shpall fajtor dhe përballet me deri 15 vjet burg për përpjekjen për të eksportuar në Kinë ?mjete lundruese detare dhe motorë?. Në gusht, një ish oficer i CIA u arrestua dhe u akuzua për spiunim për llogari të Kinës.

Së katërti, janë kompanitë private. PKK ka depërtuar në disa kompani perëndimore përmes pajisjeve të tyre kineze. Baza e të dhënave e përmendur më sipër,zbuloi gjithashtu 123 anëtarë të PKK në kompanitë Pfizer dhe AstraZeneca, dhe 600 në bankat britanike ?Standard Chartered? dhe ?HSBC?.

Së pesti, depërtimi në arsimin tonë të lartë. Në një fjalim në Institutin e Teknologjisë në Xhorxhia këtë muaj, Sekretari i Shtetit Pompeo tha se kolegjet dhe universitetet amerikane janë ?të lidhura me paratë e Partisë Komuniste Kineze.
Sipas Departamentit të Arsimit të SHBA-së, institucionet e arsimit të lartë kanë marrë mbi 1.3 miliardë dollarë nga Kina, që nga viti 2013. Këtë muaj, Universiteti i Kolumbias pranoi 1 milion dollarë, për të ngritur një degë të Institutit Konfuci. Këto institute,sipas Pompeos ?financohen nga Kina, dhe janë pjesë e ndikimit global dhe aparatit të propagandës së Partisë Komuniste Kineze?.

Së gjashti, janë programet e shkëmbimit kulturor. Përveç Instituteve të Konfucit, programe të ndryshme të shkëmbimit kulturor shërbejnë gjithashtu për të mbushur mendjet amerikane me propagandën e PKK. Këtë muaj, Pompeo njoftoi se Departamenti i Shtetit po anulonte 5 programe të ?shkëmbimi kulturor? për amerikanët në Kinë, që ?financohen plotësisht dhe drejtohen nga qeveria kineze,si mjete propagandistike të fuqisë së butë?.

Së shtati, kërkimet shkencore. Në shtator të këtij viti, një ish-punonjës në Laboratorin Kombëtar Los Alamos u dënua me 5 vjet burg dhe një gjobë prej 75.000 dollarësh për vjedhje të të dhënave për llogari të Kinës. Po çfarë mund të bëhet në këtë situatë?
SHBA ka disa opsione veprimi. Së pari, ajo duhet të vazhdojnë të ushtrojnë presion mbi Kinën, përmes mbështetjes ndaj lëvizjes për demokraci në Hong Kong. Së dyti,senati duhet të miratojë dhe presidenti Trump duhet të firmosë Ligjin për Lirinë dhe Zgjedhjen e Popullit të Hong Kongut. Së treti, duhen kufizuar apo mbyllur Shkollat e Konfucit në SHBA./Përshtatur nga CNA.al

Burimi: https://spectator.org/china-ccp-us-spying/