web counter
LEXO PA REKLAMA!

SHKARKO APP

App Store
Google Play

E fundit!

x

Dhjetë arsyet pse duhet të vaksinoheni ndaj Covid-19

4 Janar 2021, 07:38, Blog CNA

Vaksina kundra COVID-19 e Oxford-AstraZeneca, është autorizuar së fundmi për përdorim në Britaninë e Madhe, çka do të thotë se tani mund të shpërndahen miliona doza të tjera. Dhe kjo do të përshpejtojë progresin drejt arritjes së imunitetit të përhapur ndaj koronavirusit.
Por nga ana tjetër që nga fillimi i pandemisë – dhe veçanërisht që kur nisën të zhvillohen vaksinat kundër Covid-19 – shumë njerëz kanë shprehur shqetësime në lidhje me sigurinë dhe efektivitetin e tyre. Nëse jeni ndër ata që hezitojnë të vaksinohen,ja cilat janë10 arsyet pse duhet t`a bëni këtë:

1. Vaksinat shpëtojnë jetë

Organizata Botërore e Shëndetësisë, vlerëson se vaksinimi parandalon aktualisht 2-3 milion vdekje çdo vit. Sëmundja e lisë, qëu mori jetën 300 milion njerëzve vetëm në shekullin XX-të, është çrrënjosur plotësisht falë zhvillimit dhe shpërndarjes së vaksinave të sigurta dhe efektive. Për disa, edhe sot Covid-19 rezulton të jetë fatal. Ndaj,jeni në grupin e riskut, vaksinimi mund t`u shpëtojë jetën.

2. Mbron shëndetin tuaj

Vaksinat na mbrojnë gjithashtu nga shumë sëmundje dobësuese. Para zhvillimit të vaksinave nga Salk dhe Sabin kundër poliomelitit, kjo sëmundje bënte namin. Por gjatë 3 dekadave të fundit, vaksinat kanë sjellë një rënie me 99.9 për qind të rasteve me poliomelit. Covid-19 mund të shkaktojë pasoja shëndetësore afatgjata. Vaksinat do t?ju mbrojnë kundër këtyre pasojave.

3. Mbron dhe mbështet shërbimet shëndetësore

Vaksinimi gjatë fëmijërisë, nënkupton se keni më pak të ngjarë të prekeni nga sëmundje infektive gjatë jetës tuaj. Kjo e lehtëson presionin mbi personelin e shërbimit shëndetësor, që mund t?ia kushtojë përpjekjet, fondet dhe pajisjet ndihmëse pacientëve me sëmundje të pa parandalueshme. Vaksinimi kundër Covid-19, do të reduktojë ndjeshëm rastet dhe shtrimet në spital.

4. Mbron më të prekshmit

Kur shumë njerëz të vaksinohen kundër një sëmundje infektive si Covid-19, përhapja e virusit mund të ndalet, pasi do të ketë shumë pak njerëz për të infektuar. Kjo dukuri njihet si imuniteti i tufës. Arritja e imunitetit të tufës, do të thotë që janë të mbrojtur edhe ata që nuk mund të vaksinohen (për shembull për shkak të sëmundjeve para-ekzistuese ).

5. Pasi vaksinat testohen në mënyrë rigoroze

Vaksinat testohen në testime të gjata dhe të mëdha klinike, që përfshijnë dhjetëra mijëra njerëz, dhe efektet e tyre monitorohen vazhdimisht edhe pasi është aprovuar përdorimi i tyre. Vaksinat anti-Covid-19 po testohen njëlloj si vaksinat për sëmundjet e tjera. Ato janë zhvilluar shpejt falë shmangies së burokracive, dhe jo sepse testimi ka qenë më pak i plotë.

6. Kurseni kohë dhe para

Vaksinat janë të njohura gjerësisht si një nga ndërhyrjet mjekësore me kohë dhe me kosto më efektive që mund të kryeni. Procesi zgjat vetëm disa minuta dhe është shumë i lirë (ose, për shumë njerëz, falas).Nga ana tjetër, prekja nga një sëmundje infektive nënkupton shkëputjen nga shkolla apo puna, dhe potencialisht një faturë të majme mjekësore.

7. Do të jeni në gjendje të udhëtoni të sigurt

Udhëtimet në vende të tjera ju ekspozojnë ndaj patogjenëve, të cilët nuk njihen nga sistemi juaj imunitar. Duke marrë vaksinat e rekomanduara për destinacionin tuaj, ju do të jeni në gjendje të shijoni pushimet tuaja pa rrezikuar një vizitë urgjente në spitalin e zonës. Për këtë arsye, vaksinat kundër Covid-19 mund të bëhen të detyrueshme për udhëtimet.

8. Kufizoni rezistencën ndaj ilaçeve

Rezistenca antimikrobike është identifikuar nga OBSH si një nga 10 kërcënimet më të mëdha për shëndetin global (siç është edhe hezitimi ndaj vaksinave). Përdorimi i vazhdueshëm i antibiotikëve dhe antiviralëve, bën që bakteret dhe viruset të bëhen rezistente ndaj tyre, duke sjellë përhapjen e infeksioneve të patrajtueshme. Duke parandaluar infektimin, vaksinimet na lejojnë që të zvogëlojmë përdorimin e antibiotikëve dhe antiviralëve, duke kufizuar kësisoj lindjen e baktereve dhe viruseve rezistente ndaj ilaçeve.

9. Mbroni brezat e ardhshëm

Përgjatë historisë, njerëzimit i është dashur të bashkëjetojë me shumë sëmundje kërcënuese për jetën, që tani janë shumë të rralla, pikërisht falë programeve të vaksinimit të fëmijëve. Gjithsesi, pandemia ofron një shembull dramatik të efektit shkatërrues që mund të ketë një sëmundje e vetme në mungesë të një vaksine.
Vaksinimi i vetes dhe fëmijëve tanë nga sëmundjet infektive, është sot një dhuratë e paçmuar për brezat e ardhshëm. Shtypja e sëmundjeve të së tashmes, do t?i japë mundësi njerëzve në të ardhmen që kenë një jetë më të gjatë dhe të shëndetshme.

10. Për të parandaluar përhapjen e lajmeve të rreme

Studimet kanë treguar se lajmet e rreme përhapen shumë më shpejt dhe më larg sesa informacioni i vërtetë. Gjatë dekadave të fundit, teoritë e konspiracionit dhe keq-informimi e kanë dëmtuar besimin e publikut tek vaksinat, duke çuar në rishfaqjen e sëmundjeve që ishin gati të çrrënjosura në shumë vende.
Duke ndjekur udhëzimet e bazuara në prova shkencore, ju mbroni jo vetëm veten dhe të dashurit tuaj nga sëmundjet infektive, por gjithashtu jepni një shembull që ndihmon në luftën kundër përhapjes së keqinformimit./Përshtatur nga CNA.al

Burimi: https://theconversation.com/oxford-vaccine-approved-now-here-are-10-reasons-why-you-should-get-vaccinated-151516





Lajmet e fundit nga