LEXO PA REKLAMA!

SHKARKO APP

Kryetarit i ka mbaruar mandati/ Akademia e Shkencave tregon kur do të mbahen zgjedhjet

17 Korrik 2023, 15:31, Aktualitet CNA

Kryetarit i ka mbaruar mandati/ Akademia e Shkencave tregon kur do të

Zgjedhjet për kryetarin e Akademisë së Shkencave do të mbahen në fund të vitit.

Lajmi është bërë i ditur nga Akademia e Shkencave, e cila informon përmes një njoftimi zyrtar se data konkrete do të caktohet menjëherë pas pushimeve verore.

“Për sa i takon zhvillimit të zgjedhjeve të reja në Akademinë e Shkencave të Shqipërisë, për funksionin e kryetarit dhe zëvendëskryetarit, ato do të zhvillohen konform Ligjit 53/2029 për Akademinë e Shkencave në Republikën e Shqipërisë dhe konkretisht, neni 8, pika 2: Zgjedhjet për anëtarët e rinj të Kryesisë zhvillohen gjithmonë në fund të vitit.

Për këtë arsye, Kryesia e Akademisë së Shkencave të Shqipërisë, menjëherë pas pushimeve do të caktojë datën e zgjedhjeve në konsultim me Asamblenë e ASh-së, ndërkohë që vazhdon kryerjen e funksioneve të saj konform ligjit”, thuhet në njoftimin e Kryesisë së Akademisë së Shkencave.

Ky reagim i ASH-së vjen pas disa denoncimeve. Ditët e fundit u pretendua se kreu aktual i këtij institucioni do të marrë mandat të përhershëm.

Lidhur me këtë nuk kanë munguar as reagimet e politikanëve. Deputetja Ina Zhupa tha se Gjinushi po e mban peng Akademinë për interesat dhe ambiciet personale, duke shkelur ligjet./ CNA.al

Lajmet e fundit nga