E fundit!

09:23 Aktualitet

Shqipëria avancon në negociatat me BE-në, sot hap i ri drejt integrimit europian

Shqipëria shënon një tjetër moment të rëndësishëm në rrugë...

Fundo: Jam në gjyq për skandalin në Zimbabve, pas inceneratorit të Tiranës fshihen Zoto e Mërtiri

17 Korrik 2023, 20:01, Aktualitet CNA

Fundo: Jam në gjyq për skandalin në Zimbabve, pas inceneratorit Gazetari Elvi Fundo është rrëfyer në Neësroom në lidhje me paditë SLAPP me të

cilat po përballet në Gjykatë. Në një lidhje me Skype me Fjola Graçin në Newsroom në Dosja.al, Fundo tha se të gjitha paditë janë depozituar pasi ai ka publikuar shkrime për inceneratorët. Gazetari tregoi më tej se paditësit pretendojnë për shpifje ndaj shoqërisë “Geogenix”. Fundo shtoi gjithashtu se edhe pas inceneratorit të Tiranës fshihen Klodian Zoto dhe Mirel Mërtiri ndaj këtij të fundit ka fituar një gjyq pak ditë më parë. Akuzuesi Mirel Mërtiri nuk u paraqit.

"Unë jam disa çështje gjyqësore përfshirë edhe kryebashkiakun Erion Veliaj. Veliaj bëri padi, unë e kam fituar dhe nuk ka bërë apelim. Prej muajit nëntor jam në gjyq me GeoGenix, e cila pretendon se nuk ka asnjë lidhje me Mirel Mërtirin, Stela Gugallja dhe Mirel Mëtiri që janë persona të shpallur në kërkim. Ose me rastin e shpërdorimit të parave në Zimbabve, për të cilin në dijeninë time janë dënuar edhe disa portale në Shqipëri. Mirel Mërtiri është shpallur person në kërkim është fund të nëntorit, dhjetori, kur u quajt edhe "truri i inceneratorëve", ndërsa portalet dhe gazetarët që janë ndëshkuar nga Gjykata, pavarësisht se kanë thënë të vërteta për të cilat edhe unë jam në proces në lidhje me skandalin në Zimbabve ku është arrestuar edhe një ministër, i gjithë debati është a është Mirel Mërtiri apo Ilir Dedja, kur në fakt është raportuar nga mediat vendase. Gazetarët në Shqipëri, thjeshtë dhe vetëm kanë bërë përkthim, janë dënuar me gjobë 1 milionë lekë të vjetra. Çështja është në Apel, për mua qe shantazh i hapur ndaj gazetarëve. Kanë kërkuar që gazetarët të mos raportonin pasi u lidh inceneratori i Tiranës. Në fakt ka edhe dokumenta dhe fakte që provojnë që Mërtiri është i lidhur me inceneratorin në Zimbabve. Ai shfaqet në foto, ka edhe një politikan siç është Gert Bogdani. Ai ka pretenduar në Gjykatë se nuk është Ilir Dedja,”- tha Fundo në Newsroom.

*Newsroom është një program që për herë të parë diskuton problemet dhe sfidat e medias dhe gazetarisë shqiptare.