web counter
LEXO PA REKLAMA!

SHKARKO APP

App Store
Google Play

E fundit!

x

Mbajtja peng e diplomës/ Komisioni i Edukimit miraton projekligjin për studentët e Mjekësisë

18 Korrik 2023, 14:18, Aktualitet CNA

Mbajtja peng e diplomës/ Komisioni i Edukimit miraton projekligjin për

Të martën, Komisioni për Edukim dhe Mjetet e Informimit Publik ka miratuar me 9 vota pro dhe 7 vota kundër projektligjin, i cili të enjten pritet që të miratohet në Kuvend.

Nëse ligji miratohet nga Kuvendi studentët e Mjekësisë do punojnë me detyrim për 5 vite në vendin e tyre, duke nënshkruar një kontratë me shtetin. 

Mbledhja e sotme është shoqëruar me debate, ku studentët u shprehën se po trajtohen si kavie eksperimentale. 

"Ne kemi nënshkruar një marrëveshje kur filluam studimet në Fakultetin e Mjekësisë. Përse e shkelni kontratën? Në fillimet e veta, çdo mjek bën gabime. Pra, ju thoni mësoni dorën për 5 vite me pacientët shqiptarë, e më pas ikni jashtë vendit.Nuk po pretendojmë se jemi ekselentë. Mos na ktheni në komunizëm. Lëvizja e lirë po na duket si mëkat. Pagesa që ju keni vendosur për ata që duan të punojnë jashtë vendit pas përfundimit të shkollës, është tepër e lartë. Nuk kemi mundësi. Projektligji për punën e detyruar për studentët e mjekësisë më ngjason me fiset pagane, të cilat kryenin sakrifica njerëzore për të zgjidhur problemet", u shprehën studentët. 

Deputetja Flutura Açka u kërkoi ndjesë studentëve për miratimin e këtij projektligji, pasi tha se po bëhet vetëm për interes të oligarkëve.

Ministrja e Arsimit, Evis Kushi ka deklaruar se nismë do të hyjë në Kuvend në korrik me procedurë të përshpejtuar për shkak të emergjencës.

 





Lajmet e fundit nga