web counter
LEXO PA REKLAMA!

SHKARKO APP

App Store
Google Play

Korça humbet një figurë të nderuar/ Peleshi: Vaskë Kosta mori me vete buzëqeshjen më të dlirë

30 Korrik 2023, 11:58, Aktualitet CNA

Korça humbet një figurë të nderuar/ Peleshi: Vaskë

Një figurë e nderuar e qytetit të Korçës është ndarë nga jeta në mënyrë të parakohshme. Bëhet fjalë për berberin Vaskë Kosta.

Lajmin e hidhur e ka bërë të ditur ministri i Mbrojtjes, Niko Peleshi, i cili ka piublikuar një mesazh ngushëllimi në rrjetet sociale.

Peleshi shkruan se Vaskë Kosta mori me vete buzëqeshjen më të dlirë, zërin më të ëmbël, shpirtin më pozitiv dhe thjeshtësinë më të madhërishme që ka njohur.

Ai deklaron se batutat e bukura, fjalët e mençura, përshëndetjet e buzëqeshura, bisedat e këndshme do të jenë për shumë kohë me korçarët dhe miqtë e tij.

Korça humbet një figurë të nderuar/ Peleshi: Vaskë

Statusi i plotë:

Sot iku një njeri i mirë i qytetit tim.

Mbase më i miri!

Vaska nuk është më mes nesh. Iku pa na lajmëruar e pa u ankuar. Mori me vete buzëqeshjen më të dlirë, zërin më të ëmbël, shpirtin më pozitiv dhe thjeshtësinë më të madhërishme që unë kam njohur.

Ti ishe më shumë se shok, më shumë se vëlla, më shumë se një korçar i mirë.

Ishe Vaska!

Ti dije të gëzoheshe për çdo grimcë të jetës dhe të merakoseshe për çdo humbje. Sot të gjithë, sepse të gjithë të njihnin dhe të donin, janë zgjuar me një pse.

Edhe unë.

Arsyen pse ike kaq shpejt nuk do ta kuptoj kurrë, por di që batutat e bukura, fjalët e mençura, brohoritjet apo psherëtimat para ekranit kur fitonte apo humbte skuadra jote e zemrës, përshëndetjet e buzëqeshura që shpërndaje për të gjithë, bisedat e këndshme te veshi në berberanen tënde të famshme, do të jenë për shumë kohë me ne.

Na mbetet të kujtojmë të vjetrat sepse të reja nuk do të ketë më.

Sot iku një njeri i mirë i qytetit tim.

Mbase më i miri!/ CNA.al





Lajmet e fundit nga