web counter
LEXO PA REKLAMA!

SHKARKO APP

App Store
Google Play

Gjetën portofolin në plazhin e Velipojës/ Policët bëjnë gjestin fisnik

29 Korrik 2023, 19:22, Aktualitet CNA

Gjetën portofolin në plazhin e Velipojës/ Policët

Dy punonjës të policisë në Shkodër kanë bërë një gjest fisnik dhe dinjitoz ditën e djeshme, ku gjatë patrullimit, në plazhin e Velipojës, kanë gjetur në tokë një portofol me një shumë të konsiderueshme lekësh dhe euro, të cilin ia kanë kthyer personit që e kishte humbur.

Efektivët Kristian Koçeku dhe Samet Qotaj po patrullonin me biçikleta plazhin e Velipojës mëngjesin e djeshëm kur konstatuan portofolin e humbur.

Poseduesi i portofolit kishte raportuar më parë në polici për humbjen e kuletës duke ua bërë më të lehtë efektivëve gjetjen e tij.

“Drejtori i Drejtorisë Vendore të Policisë Shkodër Ervin Hodaj ka falënderuar në emër dhe të Drejtorit të Përgjithshëm të Policisë së Shtetit, punonjësit e Policisë, për gjestin e bërë ditën  djeshme, të cilët treguan integritet dhe i bënë një shërbim të mirë Policisë së Shtetit në drejtim të imazhit dhe rritjes së besimit edhe më shumë të qytetarëve te Policia e Shtetit.

Mëngjesin e djeshëm, në plazhin e Velipojës, 2 punonjës policie që patrullojnë me biçilkleta, Kristian Koçeku dhe Samet Qotaj, gjatë patrullimit, në rrugën nr. 10, kanë gjetur në tokë një portofol me një shumë të konsiderueshme lekësh dhe euro.

Menjëherë ata kanë njoftuar sallën operative, e cila bëri me dije punonjësit e Policisë që në Sallën Operative kishte mbërritur një telefonatë për një portofol të humbur disa minuta më parë.

Punonjësit kanë takuar personin që kishte humbur portofolin, në adresën e dhënë nga Salla Operative, dhe i kanë dorëzuar atij portofolin me shumën e parave.

I zoti i portofolit ka falënderuar punonjësit e Policisë, për gjestin e tyre, që tregon vërtet misionin që ka Policia, shërbimin ndaj qytetarëve.”/CNA.al





Lajmet e fundit nga