web counter
LEXO PA REKLAMA!

SHKARKO APP

App Store
Google Play

Ekskluzive/ 16 mijë abonentë, aplikacioni Sky zbardh krime dhe korrupsion në Shqipëri

2 Gusht 2023, 10:31, Aktualitet CNA

Ekskluzive/ 16 mijë abonentë, aplikacioni Sky zbardh krime dhe

Çkodimi i aplikacionit SKY po bën të mundur zbërthimin e shumë grupeve kriminale dhe korrupsionit në Shqipëri.

CNA ka mësuar nga burime zyrtare se në Shqipëri ky aplikacion ka pasur rreth 16 mijë kliente.

Pas çkodimit të këtij aplikacioni nga partnerët ndërkombëtarë ka filluar menjëherë edhe bashkëpunimi me SPAK dhe BKH.

Sipas të dhënave zyrtare mësuar nga Europol, në total reth 10% e totalit të aplikacionit Sky është referim në gjuhën shqipe. Në Hagë ku dhe po kryhet zbardhja dhe verifikimi i plotë i komunikimeve janë edhe dy ekspertë nga Shqipëria, raporton CNA.

CNA raporton nga burime zyrtare se po gjenerohen të dhëna pafund dhe komunikime që do zbardhin shumë ngjarje kriminale dhe korruptive, 16 mijë përdoruesit shqiptarë, janë politikanë, biznesmenë, zyrtarë etj.

Volumi i madh i mesazheve të zbuluara ka bërë që Shqipëria të kërkojë që 6 ekspertë të saj të kenë poste pune, pranë dhjetra ekspetëve të agjensive partnere ndërkombëtarë në Hagë, por deri tani Europol ka konfirmuar vetëm dy, raporton CNA. Janë dhjetra agjentë nga e gjithë bota të cilët po punojnë më mesazhet e gjetura në aplikacionin SKY, vera pritet të jetë e nxhehtë vërtet këtë vit me luftën ndaj krimit dhe korrupsionit nga SPAK.

Çkodimi i këtij aplikacioni solli zbulimin e disa vrasjeve dhe lidhjeve të grupeve kriminale me binesmenë dhe njërëz të sistemit të drejtësisë./CNA





Lajmet e fundit nga