web counter
LEXO PA REKLAMA!

SHKARKO APP

App Store
Google Play

E fundit!

x

Operacioni "Dream earnings"/ Policia arreston 5 persona, 1 shpallet në kërkim

28 Korrik 2023, 13:29, Kronika CNA

Operacioni "Dream earnings"/ Policia arreston 5 persona, 1 shpallet

Policia ka njoftuar se 5 persona janë arrestuar dhe 4 të tjerëve u është dhënë masa e sigurisë "Arrest në shtëpi" në kuadër të operacionit "Dream earnings".

Përmes një komunikate zyrtare blutë njoftojnë se ditën e djeshme u bë e mundur kapja në Himarë e shtetasit B. Gj., 31 vjeç, i cili ishte shpallur në kërkim në kuadër të këtij operacioni, pasi SPAK-u kishte kërkuar arrestimin e tij për veprat penale ''Mashtrimi kompjuterik, kryer në bashkëpunim, në formën e grupit të strukturuar kriminal'', “Grupi i strukturuar kriminal'' dhe ''Kryerja e veprave penale nga organizata kriminale dhe grupi i strukturuar kriminal”.  

“Ditën e djeshme, janë ekzekutuar 5 masa sigurie 'Arrest në burg', dhe 4 masa sigurie 'Arrest në shtëpi'. 

Falë inteligjencës policore, kërkimit dhe gjurmimit për kapjen e shtetasve të shpallur në kërkim, si rezultat i shkëmbimit të informacionit në kohë reale mes specialistëve të Seksionit për Hetimin e Krimeve Ekonomike dhe Financiare të DVP Tiranë dhe shërbimeve të Komisariatit të Policisë Himarë, u bë e mundur kapja në Himarë dhe ndalimi i shtetasit B. Gj., 31 vjeç, banues në Tiranë.   

Ky shtetas ishte shpallur në kërkim në kuadër të operacionit policor të koduar 'Dream earnings', pasi Gjykata e Posaçme e Shkallës së Parë për Korrupsionin dhe Krimin e Organizuar Tiranë i ka caktuar masën e sigurisë 'Arrest në burg', për veprat penale 'Mashtrimi kompjuterik, kryer në bashkëpunim, në formën e grupit të strukturuar kriminal', 'Grupi i strukturuar kriminal' dhe 'Kryerja e veprave penale nga organizata kriminale dhe grupi i strukturuar kriminal'.  

Vijon puna për lokalizimin dhe kapjen e shtetasve të tjerë të shpallur në kërkim në kuadër të këtij operacioni.”-thuhet në njoftimin e policisë./CNA.al





Lajmet e fundit nga