Shpërndanin kokainë në Berat/ 1 person i arrestuar, 4 të tjerë nën hetim

26 Korrik 2023, 12:19, Kronika CNA

Shpërndanin kokainë në Berat/ 1 person i arrestuar, 4 të

Policia e Beratit ka vënë në pranga shtetasin E. Sh., 34 vjeç, banues në lagjen "Uznovë". E. Sh., 34 vjeç, banues në lagjen "Uznovë", ndërsa ka nisur hetimin në gjendje të lirë për shtetasit M. N., 37 vjeç, E. N., 46 vjeç, S. S., 32 vjeç dhe M. N., 44 vjeç.

Në banesën e këtyre shtetasve u gjetën sasi të vogla kokaine. Nga hetimet ka rezultuar se shtetasi E. Sh. siguronte kokainën në sasi dhe më pas ua shiste 4 shtetasve të tjerë, që ta shpërndanin në doza, në zona të ndryshme në qytetin e Beratit.

“Specialistët e Seksionit për Hetimin e Narkotikëve të Drejtorisë Vendore të Policisë Berat, në vijim të operacioneve të njëpasnjëshme për goditjen e veprimtarisë kriminale të shpërndarjes së lëndëve narkotike, mbështetur dhe nga inteligjenca informative për disa shtetas që shpërndanin lëndë narkotike, në zona të ndryshme të Beratit dhe në ambiente të ndryshme, referuan materialet në Prokurorinë Berat, e cila regjistroi procedim penal, me qëllim dokumentimin ligjor të kësaj veprimtarie kriminale.

Pas një hetimi disamujor me metoda proaktive, të kryer nga specialistët e Seksionit për Hetimin e Narkotikëve të Drejtorisë Vendore të Policisë Berat, në bashkëpunim me Prokurorinë, u ushtrua kontroll në banesat e 5 shtetasve, ku u gjetën dhe u sekuestruan sasi të lëndës së dyshuar narkotike kokainë.

Në vijim të veprimeve procedurale u arrestua shtetasi E. Sh., 34 vjeç, banues në lagjen 'Uznovë', Berat, pasi në banesën e tij u gjetën dhe u sekuestruan rreth 706 gramë lëndë e dyshuar narkotike kokainë.

Gjithashtu, nisi procedimi në gjendje të lirë për shtetasit M. N., 37 vjeç, E. N., 46 vjeç, S. S., 32 vjeç dhe M. N., 44 vjeç, të gjithë banues në lagjen 'Uznovë', Berat, pasi gjatë kontrollit në banesat e tyre u gjetën dhe u sekuestruan sasi të vogla kokaine.

Nga hetimet ka rezultuar se shtetasi E. Sh. siguronte kokainën në sasi dhe më pas ua shiste 4 shtetasve të tjerë, që ta shpërndanin në doza, në zona të ndryshme në qytetin e Beratit”, ka njoftuar policia Berat./ CNA