web counter
LEXO PA REKLAMA!

SHKARKO APP

App Store
Google Play

E fundit!

x

Falsifikim e fshehje të të ardhurave/ Prokuroria Gjirokastër sekuestron llogaritë bankare të një shoqërie tregtare

24 Korrik 2023, 14:21, Kronika CNA

Falsifikim e fshehje të të ardhurave/ Prokuroria Gjirokastër

Prokuroria pranë Gjykatës së Shkallës së Parë të Juridiksionit të Përgjithshëm, Gjirokastër në kuadër të procedimit penal nr. 252 viti 2021 regjistruar për veprat penale “Krijimi i skemave mashtruese lidhur me tatimin mbi vlerën e shtuar” kryer në bashkëpunim, “Dhënia e informacioneve të rreme”, “Falsifikimi i vulave, i stampave ose i formularëve” kryer në bashkëpunim, “Fshehja e të ardhurave”, parashikuar nga nenet 144/a e 25, 168, 190 p. 2 dhe 180 p. 1 i K. Penal, në bashkëpunim me strukturat e Krimit Ekonomik në DVP Gjirokastër dhe Drejtorinë e Përgjithshme të Policisë së Shtetit, kreu sekuestrimin preventiv të tre llogarive bankare të një shoqërie tregtare me administrator shtetasin italian me iniciale A.D. në shumat;

 

•             1 004 474 (nje milion e katër mijë e katërqind e shtatëdhjete e katër) Euro;

•             299 925 (dyqind e nëntëdhjetë e nëntë mijë e nëntëqind e njëzetë e pesë) Euro;

•             13 588 890 (trembëdhjetë millionë e pesëqind e tetëdhjete e tetë mijë e tetëqind e nëntëdhjetë) Lekë;

 

Gjithashtu, u ushtrua kontroll në 3 subjekte shoqëri me përgjegjësi të kufizuar me seli në Tiranë me administrator shtetasit me inicialet I.Q, E.B. dhe shtetasin Italian A.D., ku u sekuestruan dokumente financiare dhe ligjore me vlera për hetimin. Këto subjekte dyshohet se nëpëmjet faturave fiktive kanë përfituar rimbursim në mënyrë të kundraligjshme TVSH-je nga shteti në vlerën e 20 765 411 lekëve.

Ky rimbursim ka ardhur si rrjedhim i faturave të falsifikuara të TVSH-së të lëshuara nga këto subjekte.





Lajmet e fundit nga