web counter
LEXO PA REKLAMA!

SHKARKO APP

App Store
Google Play

Shkeli perimetrin e sigurisë në plazh/ Gjobitet me 100 mijë lekë drejtuesi i gomones

23 Korrik 2023, 20:19, Kronika CNA

Shkeli perimetrin e sigurisë në plazh/ Gjobitet me 100 mijë

Policia ka njoftuar gjobitjen me 100 000 lekë të rinj për drejtuesin e një gomonie në plazhin e Spillesë.

Përmes një njoftimi zyrtar blutë bëjnë me dije se drejtuesi i mjetit lundrues kishte shkelur perimetrin e sigurise duke vënë në rrezik jetën e pushuesve.

Pas raportimeve Policia Kufitare ka ndërhyrë për ndalimin e këtij mjeti lundrues.

Bëhet me dije se gomonia është bllokuar nga forcat e policisë.

 

“Policia Kufitare e Durrësit dhe Njësia Policore Detare, pas marrjes së njoftimit nga shërbimet e patrullës tokësore që patrullon në vijën bregdetare dhe nga pushues në plazhin e Spillesë, se një mjet lundrues  gomone po lundronte brenda perimetrit të sigurisë, duke rrezikuar jetën e plazhistëve, menjëherë kanë shkuar në adresën e dhënë.

Policia Kufitare identifikoi mjetin lundrues (gomone) dhe bëri bllokimin e menjëhershëm të tij. Gjithashtu, ndëshkoi me masë administrative 100 000 lekë të rinj, drejtuesin e mjetit lundrues gomone, për ushtrim të aktivitetit jashtë zonave të miratuara, duke rrezikuar jetën e pushuesve.

Mjeti i bllokuar u shoqërua në ambientet e SPK Durrës.’-thuhet në njoftimin e policisë./CNA.al

 

 





Lajmet e fundit nga