web counter
LEXO PA REKLAMA!

SHKARKO APP

App Store
Google Play

E fundit!

x

Vlorë/ Arrestohet 33-vjeçari pjesëtar i një grupi kriminal, pritet ekstradimi drejt Spanjës

23 Korrik 2023, 10:55, Kronika CNA

Vlorë/ Arrestohet 33-vjeçari pjesëtar i një grupi

Një i kërkuar nga autoritetet e drejtësisë Spanjolle pjesëtar i një grupi kriminal në fushën e kultivimit dhe prodhimit të kanabisit është kapur dhe vënë në prangat e policisë.

I arrestuari është 33-vjeçari  me inicialet V. H, alias V. H, alias V. J, banues në lagjen “Kushtrimi”, Vlorë.

33-vjeçari pritet të ekstradohet drejt Spanjës.

Kapja e tij u bë falë operacionit policor të koduar “Castellon”, i zhvilluar nga Fast Albania në bashkëpunim të ngushtë me strukturat  hetimore dhe operacionale të Drejtorisë Vendore të Policisë Vlorë dhe Interpol Tiranën.

“Arrestimi provizor i këtij shtetasi u bë pasi Gjykata e Castellon Spanjë, më datë 06.07.2023, ka caktuar masën e sigurisë “Arrest me burg”, për veprat penale “Trafik droge”, “Organizatë kriminale” dhe “Vjedhje e energjisë elektrike”, të parashikuar nga Kodi Penal i Spanjës. Ky shtetas në bashkëpunim me shtetas të tjerë shqiptarë e spanjollë, merrnin shtëpi me qera në zonën e Castellonit dhe i përshtasnin për të kultivuar bimë narkotike me anë të llambave.”, njofton policia.

Interpol Tirana vijon procedurat ligjore për ekstradimin e tij drejt Spanjës.





Lajmet e fundit nga